ကျောင်းသူ

Photo Source : Google

(၁)

သူမအကြိုက်ဆုံးအရောင်ကို သူကမေးလာခဲ့တော့ အဖြူရောင်ဟုရဲရင့်စွာပဲဖြေခဲ့သည်။ ဒုတိယနဲ့တတိယအကြိုက်ဆုံးအရောင်ကိုပြောပါဦးဟု သူကထပ်မေးပြန်သည်။ အဲ့သည့်မေးခွန်းမှာတော့ သူမအနည်းငယ်တွေဝေခဲ့ရသည်။ အနီရောင်ဟာ သူမရဲ့ ဒုတိယအနှစ်သက်ဆုံးအရောင်ဖြစ်တတ်သလို တခါတရံကျပြန်တော့ အပြာရောင်လေးကလည်းသူမရဲ့နှစ်သက်မှုများကို ခိုးယူတတ်ပြန်သည်လေ။ တတိယအရောင်ကိုတော့ သူမ မဆိုင်းမတွပဲဖြေလိုက်နိုင်ပါတယ် အနက်ရောင်ပါလို့။

သူမရဲ့အဖြေကိုကြားတော့ ရယ်စရာ မပါခဲ့ပါဘဲလျက် သူကဟက်ဟက်ပက်ပက်ရယ်မောပြန်သည်။

“နင်ကလည်း ဘာအထာလဲဟ။ ငါ့စကားထဲမှာ ရယ်စရာပါတယ်လို့တော့ ငါမထင်ပါဘူး။ ဘာတွေများရယ်နေရပြန်တာတုန်း”

ခေါင်းမော့ရယ်နေသောသူက အရယ်ကိုရပ်ကာ သူမကို စေ့စေ့ကြည့်ကာပြောလာသည်။

“နင့်ကိုငါကြည့်နေတာ။ နင်ဟာပြတ်သားမှုနဲ့တွေဝေမှုတွေ ဒွန်တွဲနေတဲ့ကောင်မလေးတစ်ယောက်ပဲ။ ပြတ်သားလိုက်ရင်လည်း နင့်ထက် ၂ယောက်မရှိဘူး။ တွေဝေငြိတွယ်ပြန်ရင်လည်း ဆင်ကော်တောင်အရှုံးပေးရလောက်အောင်ခွာဖို့ခက်တယ်။ တကယ့်ကို ဂွတီးဂွကျ ကောင်မလေး။ အဲ့သည့်အခေါ်အဝေါ်နဲ့ နင်ခုဝတ်ထားတဲ့ ဘောင်းဘီနဲ့ စဉ်းစားမိလို့ရယ်တာဟေ့။ ရှင်းပြီလားဟ”

သူပြောမှ သူမလည်း ကိုယ့်ကိုယ်ကို ပြန်လို့ငုံ့ကြည့်မိသည်။ ဟင်း…ဒါများရယ်စရာကျလို့ အာလာဒင်ဘောင်းဘီကြိုက်လို့ အချိန်ပိုင်းအလုပ် ပင်ပင်ပန်းပန်းလုပ်ပြီး ရတဲ့ပိုက်ဆံထဲက၀ယ်ထားရတာ။ လူများသူ့ရယ်စရာကျလို့…ဟု မကျေမနပ်တွေးလိုက်မိသည်။

အတွေးနှင့်အတူ နှုတ်ခမ်းစူသွားတဲ့ သူမကို စေ့စေ့ကြည့်ရင်းက သူကရှေ့တွင်ချထားသော လက်ဖက်ရည်ခွက်ကို တချိုက်တည်း မော့ချလိုက်သည်။

“ကဲ…နှုတ်ခမ်းစူထော်ထော်နဲ့ ဒေါ်စူပုတ်လေးရေ။ ငါတော့ အတန်းတက်ဖို့သွားတော့မယ်ဟေ့။ နင်လည်းစာကြည့်နေရင်း ငိုက်မနေနဲ့ဦး” ဟုဆိုကာ ခပ်သုတ်သုတ်ထွက်သွားခဲ့သည်။

ထွက်သွားတဲ့သူ့ကျောပြင်ကို အဓိပ္ပါယ်မဲ့ ငေးကြည့်နေရင်းက ဖတ်လက်စ lecture slide ကိုဆက်ဖတ်နေမိသည်။ ခဏပါပဲ။ အတွေးတို့က စာကျက်စရာမလိုသောဘ၀ ဆီသို့သာ  တ၀ဲလည်လည်။ မျက်စေ့ကိုိမှိတ် ခေါင်းကို ခပ်ပြင်းပြင်းခါရမ်းလိုက်ရင်း စာထဲသို့သာ စိတ်ကိုဇွတ်နှစ်လိုက်သည်။  First Semester စာမေးပွဲနီးပြီလေ။

(၂)

Part Time လုပ်ရတာ ပင်ပန်းလှသည်။ စာမေးပွဲနီးပြီမို့ စာကြည့်ရချိန်ပိုများတော့ ပိုဆိုးသည်။ တချို့ကျောင်းသားတွေအတွက် မထောင်းသာလှပေမယ့် မတ်တပ်ကြာကြာရပ်တိုင်း နေမကောင်းဖြစ်တတ်တဲ့ သူမအတွက်တော့ Part Time လုပ်သော နေ့ရက်တိုင်းဟာ ပင်ပန်းလွန်းခဲ့ရတာ။

အဲယားကွန်းများစွာဖွင့်ထားတဲ့ Hyper Market ကြီးထဲမှာ တနေ့ကို အနည်းဆုံး ၆ နာရီလောက် မတ်တပ်ရပ်ရင်း လက်ကိုလည်း ဇယ်ဆတ်သလို မရပ်မနား လှုပ်ရှားရင်း ပစ္စည်းတွေကို scan ဖတ်ရသေးတာ။

တခါတရံ အသက်ကြီးသူတွေဈေးလာဝယ်လို့ ဆန်အိတ်အလေးကြီးတွေ နဲ့ဆပ်ပြာရည်ပုံးအကြီးကြီးတွေဝယ်လာရင်းနဲ့ scan ဖတ်ရန်လွယ်ကူစေဖို့ ကောင်တာပေါ်တင်ပေးဖို့မတတ်နိုင်တဲ့အခါနဲ့ Portable scanner လေးပျက်နေလို့မို့ ပစ္စည်းတွေဆီကို scanner လေးနဲ့သွားမဖတ်ပေးနိုင်တဲ့အခါမျိုးမှာ သက်ကြီးရွယ်အိုတွေ ပင်ပန်းတာမကြည့်ရက်တဲ့ သူမကပဲ အလေးခံပြီး ဆန်အိတ်အလေးကြီးတွေ ဆပ်ပြာပုံးအကြီးကြီးတွေကို ကိုယ်တိုင်သယ်ထုတ်ပြီး ကူညီခဲ့ရသည်။ ထိုကဲ့သို့ ဈေးဝယ်လာသူများ ၄ ယောက်လောက်စုံသောနေ့တွင်တော့ ညဖက်ရောက်တိုင်း အပြင်းဖျားတော့သည်။

ထိုအချိန်များတွင်တော့ Decogen လိုမျိုး Biogesic လိုမျိုးအကိုက်အခဲပျောက်ဆေးတွေ နှင့် အားဆေးတွေကို ပဲလှော်စားသလို တလှေကြီးသောက်၍ သူမ၏ ညတာများတွင် မကြာခဏဆိုသလို ၀င်ရောက်စိုးမိုးလာသော အဖျားကို မောင်းထုတ်ခဲ့ရသည်။ နောက်နေ့မနက်တွင်တော့ ဆေးရှိန်ကြောင့် နှုံးလျအိပ်ချင်လွန်းနေသောသူမ အလုပ်သို့မသွားနိုင်ခဲ့။ ထို့ကြောင့် သူမ၏အလုပ်ချိန်များသည် ၁ရက်ခြား သို့မဟုတ် ၂ရက်ခြားများသာဖြစ်ခဲ့ရသည်။ ဤကဲ့သို့ ပင်ပင်ပန်းပန်းလုပ်နေရသည်များကို အိမ်ကတနည်းနည်းဖြင့်ပြန်သိသွားမှာစိုးသောကြောင့် နီးစပ်ရာအသိုင်းအ၀ိုင်းကိုလည်းပိတ်ပင်ထားရသေးသည်။ အိမ်ကကျောင်းလခတွေ အိမ်ခန်းငှားခတွေ အများကြီးပို့ပေးရတော့ တခါတရံတော့ ကိုယ့်အိမ်ငှားခလေး ကိုယ်ပေးချင်တာမို့ ကြိုးစားရှာချင်သေးသည်။ သို့ပေသည့် ထိုခဲ့သို့ အဖျားဝေဒနာကို မကြာခဏပေးလေသောအလုပ်တွင် အချိန်ကြာကြာတော့ ဒဏ်မခံနိုင်ခဲ့ပေ။ တပတ်ကို ပျမ်းမျှ ၃ရက်မှ ၄ရက်နှုန်း ဖြင့် ၃လအကြာလုပ်အပြီးမှာတော့ မျောက်ခေါင်းရုပ်ပေါက်လာခါ ယိုင်နဲ့နဲ့ဖြင့်လှုပ်လီလှုပ်လှဲ့သာကျန်တော့သည်။ ဒါပေမယ့် လူကြီးတွေပိုက်ဆံအကုန်သက်သာစေချင်သော ဆန္ဒဖြင့် ဇွဲကတော့ ဖြင့်မလျှော့ချင်သေး။

(၃)

First Semester အပြီး ကျောင်းပိတ်ရက်များတွင်တော့ အ်ိမ်လခ ကိုယ့်ဖာသာရှာချင်တဲ့ သူမ ပြက္ခဒိန်လုပ်ငန်းမှာက အစ အချိန်ပိုင်းဝင်လုပ်ဖူးသည်။ second semester ပြန်တက်ချိန်တွင် ကံဇာတာတစခန်းလောက် တက်ချင်လာတော့ မနက်တိုင်းလို သူမအလုပ်လုပ်သောဆိုင်မှာ သစ်သီးလာဝယ်တတ်သည့် မန်နေဂျာတစ်ယောက်နှင့်မျက်မှန်းတန်းမိသည်။ သူကလည်း ကိုယ့်မြန်မာပြည်မှာအလုပ်တာဝန်ကျဖူးသည်ဆိုပဲ။ သည်တော့ “မင်္ဂလာပါ” ဆိုသောနှုတ်ဆက်စကားကို မပီကလာ ဆိုရင်း သူမရှိသောကောင်တာသို့သာ ရင်းနှီးမှုဖြင့်ရောက်လာတတ်သည်။ သူမအလုပ်မှဒဏ်မခံနိုင်၍ ထွက်ချင်နေသော ၂လခွဲလောက်အကြာမှာတော့ သူနဲ့အတော်အတန်ရင်းနှီးလာကာ လူရှင်းသောနေ့တစ်နေ့တွင်တော့ စကားစပ်မိရင်း သူမကလျှပ်စစ်အဓိကဖြင့် ကျောင်းပြီးကြောင်းသိသွားသော မန်နေဂျာကြီးက သူတို့ကုမ္ပဏီတွင် တပတ် ၅ရက်နှုန်းဖြင့် ကျောင်းမတက်ခင်အချိန်များမှာ အချိန်ပိုင်းအလုပ်ဝင်ဖို့ ကမ်းလှမ်းလာပါသည်။

ဝါသနာပါရာစာရေးစာဖတ် သီချင်းနားထောင်ရင်းတို့ဖြင့် အားလပ်ချိ်န်များကုန်လွန်တတ်ပြီး အလုပ်လုပ်ချိန်များအပြီးတွင် ဖျားတတ်သောသူမ သင်ခန်းစာများလည်း မလေ့လာမကျက်မှတ်သည်မှာ ကြာပြီ။ သည်တော့….တပတ် ၅ရက်လုံး အလုပ်လုပ်ရမည်မှာ ဖြစ်နိုင်ပါမည်လော ပြန်စဉ်းစားရသည်။

နောက်တော့ စနေတနင်္ဂနွေ ပိတ်ရက်မှာစာကျက်လို့ရတာပဲဟု စိတ်ပိုင်းဖြတ်ကာ သူမအတွက် ဖျားနာမှုများစွာ ပွင့်လန်းစေခဲ့သော Casher အလုပ်ကို ၃လတိတိမှာ ကျောခိုင်းခဲ့သည်။

(၄)

Mechanical & Electrical Help Desk ဘ၀နှင့် မနက် ၈နာရီခွဲမှ ၅နာရီခွဲထိ complain များစွာပါဝင်သော အီးမေးလ်များကိုစစ်ရင်း ဖြေရှင်းပေးဖို့ နည်းပညာရှင်များဆီသို့ ကွန်ပျူတာနှင့်ဆက်သွယ်ထားသော ဖုန်းထဲမှတဆင့်စာတိုလေးများပို့ရင်း သူမရဲ့တစ်နေ့တာများဟာ ငြိမ်သက်တိတ်ဆိတ်နေတဲ့အခန်းကျဉ်းလေးထဲက အီးမေးလ်အသစ်ဝင်လာတိုင်း တတုံတုံမြည်တတ်တဲ့ ကွန်ပျူလေးရှေ့မှာ ကုန်လွန်ခဲ့ရသည်။

မနက်တိုင်း ၀င်ခွင့်ကတ်ပြားနှင့် ၀င်ပေါက်ဟူသမျှကို scan ဖတ်ဝင်ရသော။ မြို့လယ်ခေါင်တွင်တည်ရှိသော။ ကြီးကျယ်ခမ်းနားကာ အထပ်ပေါင်းများစွာရှိသော ဆင်တူတာဝါ ၂ခုအားအလယ်တွင် ပေါင်းကူးတံတားဖြင့် ဆက်သွယ်ထားသော။ မျက်နှာဖြူများနှင့် လစာမြင့် ရေပေါ်ဆီလူတန်းစားအသွင်ရှိဝန်ထမ်းများလုပ်ကိုင်သော အဆောက်အဦးကြီးသို့ မနက်၈နာရီထိုးတိုင်းအချိန်မှီရောက်ရှိရန် သူမကွန်းခိုနားရာ တိုက်ခန်းလေးမှ မနက်၆နာရီထိုးတိုင်း ထွက်ခွာသွားခဲ့ရသည်။

ရုံးခန်းထဲမှာ များသောအားဖြင့် သူမ တစ်ယောက်ထဲရှိမှာမို့ကျောင်းစာတွေလည်း လုပ်နိုင်မှာပါဟု အလုပ်မ၀င်ခင်က အလုပ်အခြေအနေကို မန်နေဂျာကြီးကပြောထားခဲ့တာကြောင့် စာဖတ်နိုင်မည်ပဲထင်ခဲ့သည်။ ဒါပေမယ့် လက်တွေ့ဘ၀အခြေအနေကတော့ မိနစ်တိုင်းနီးပါး တတုံတုံတက်လာတတ်သည့် complain king , complain queen များဟု သူမနာမည်ပေးထားသည့် ကျွန်းသူ ကျွန်းသားအပေါင်းတို့၏ အဲယားကွန်း အအေးလျော့လို့မို့ ။ အေးလွန်းလို့မို့။ ဆူညံသံတွေထွက်နေလို့မို့။ ဘယ်နေရာမှာ power trip ဖြစ်တော့မယ်ထင်လို့မို့။ ဘယ် socket outlet ပုံကို မကြိုက်လို့မို့။ မီးချောင်းအလင်းက ဘယ်လိုမို့။ ဆိုသည့် မရိုးနိုင်သော complain များစွာကို ရေးထားတဲ့ အီးမေးလ်များကိုဖတ်လို့ ဒါကတော့ Mechanical Technician ကိုလွှတ်ရမယ်။ ဒါကတော့ Electrical Technician စသည်ဖြင့်ခွဲခြားရင်း သက်ဆိုင်ရာ လူဆီသို့မက်ဆေ့ဂ်ျတိုလေးတွေရိုက်ပို့။ သူတို့ဆီမှ ဘယ်အချိန်သွားပါပြီဆိုတာ reply ပြန်လာသည်နှင့် complain queen/king များဆီသို့ အကြောင်းပြန်နှင့် လက်၂ဖက်ဆိုတာ အနားပေးဖို့သိပ်အချိန်မရှိလှ။ သို့ပေသည့် ဘာစိတ်ဖိစီးမှုမှမရှိဘဲ ဘာနည်းပညာမှသုံးစရာမလိုပဲ လူလည်း ပင်ပန်းမှုမရှိဘဲ။ အိမ်လခ။ ရထားခ များအတွက် ပူစရာမလိုအောင်လုံလောက်သည်ထက် အနည်းငယ်ပိုနေသေးသော လစဉ်ဝင်ငွေသည် သူမအား ဤအလုပ်မှာ အချိန်ပိုင်းဆက်လုပ်စေဖို့ ဆွဲထားခဲ့သည်။

ညနေ ၅နာရီခွဲရုံးဆင်းလျှင်တော့ ကျောင်းသို့အချိန်မီရောက်ရန် အူယားဖားယား ပြေးရတော့သည်။ ဒါပေမယ့်လည်း ဘယ်သောအခါမှ သင်ခန်းစာအစကို သူမ မမီခဲ့ပေ။ အလုပ်လုပ်သော မြို့လယ်ခေါင်မှ ကျောင်းရှိသော ရထားလမ်းဂိတ်ဆုံးနီးပါးသို့ ရထားဂိတ်ပေါင်းများစွာစီးရမည်မှာ အနည်းဆုံး၄၅မိနစ်တော့ ရှိမည်။ ဒါတောင်ရထားဂိတ်မှကျောင်းသို့ရောက်ရန် ကားတစ်ဆင့်စီးရဦးမည့် အချိန်နှင့် စာသင်ဆောင်ဆီသို့ရောက်အောင်သွားရမည့် အချိန်မပါသေး။

သည်တော့ အလုပ်လုပ်သော ကုမ္ပဏီနှင့်အနီးဆုံး ရထားဂိတ်မှသည် စာသင်ရာကျောင်းတော်နှင့်အနီးဆုံးရထားဂိတ်သို့ ရထားတစ်ဆင့်စီး ထိုမှတဆင့် စာသင်ရာ Lecture Theatre နှင့်အနီးဆုံးရောက်သည်ထိ တက္ကစီကိုသာ ငှားစီးရလေ့ရှိသည်။ ဒါတောင် သူမရောက်သွားချိန်များမှာ ဆရာစာသင်နေသည်မှာ အရှိန်ရနေပြီဖြစ်သည်။ ၁နာရီစာသင်ပြီးလို့ အားလပ်ချိန် ၁၅မိနစ်ပေးချိန်များတွင်တော့ ကော်ဖီစက်ရှိရာသို့အပြေးသွားလို့ ကော်ဖီတခွက် ၀ယ်သောက်ရတတ်သည်။ တကယ်တော့ ကော်ဖီ။ လက်ဖက်ရည်ဆိုသည်မှာ သူမ၏ ရန်သူ။ ၁၀ခါသောက်တိုင်း ၇ခါလောက်က ၀မ်းထဲသို့ရောက်သွားသည်နှင့် လည်ချောင်းတွင်ပျို့လာတတ်ကာ မထိန်းသိမ်းနိုင်ပါက ဝေါ့ကနဲ ထိုးအန်တတ်တာကြောင့် အန်ရတဲ့ ဝေဒနာဆိုးကို စိုးရွံ့မိသည့် သူမ ဘယ်တော့မှ မသောက်တတ်ခဲ့။ သို့ပေမယ့် ကော်ဖီမှ မသောက်လျှင်လည်း တနေကုန် ပင်ပန်းထားသော သူမမျက်ဝန်းများ ပွင့်နိုင်တော့မည် မထင်။ ပြီးတော့ စက်မှ အကြွေစေ့ပေးဝယ်ကာ သောက်ရသည့် ကော်ဖီက ဆိုင်ဖျော်လို မပြင်းတတ်တာကြောင့် သူမဒဏ်ခံနိုင်ပါသည်လေ။ ကျောင်းကပြန်ရောက်လျှင်တော့ ဆရာရှင်းပြခဲ့သည့် စာများကိုလည်း ပြန်လည်လေ့လာသုံးသပ်ခြင်းမပြုနိုင်တော့။ ငိုက်မြည်းနေသော မျက်လုံးများက အိပ်ရာဆီသို့သာ မျက်စောင်းထိုးနေတတ်ခဲ့သည်။

ကိုယ်ယူသောဘာသာရပ်အလိုက်သာကျောင်းတက်ရတာမို့ တပတ်မှာ ၃ရက်သာတက်ရသောကြောင့်သာတော်တော့သည်။ သို့မဟုတ်ပါက နောက်ကျမှ ရောက်လာတတ်သော။ စာသင်သော ဆရာကို  ပင်ပန်းသော မျက်လုံးများဖြင့်ရီဝေေ၀ကြည့်တတ်သော။ တခါတရံ လက်ဖက်ရည်ခွက်ကြီးရှေ့ချလို့ ဟန်မဆောင်နိုင်လောက်အောင်ပင် စားပွဲခုံနှင့် ထိမိမတတ် တဒိုင်းဒိုင်း အိပ်ငိုက်တတ်သော သူမကို နိုင်ငံပေါင်းစုံမှ ကျောင်းသားတိုင်း မှတ်မိပေရော့မည်။

(၅)

စနေတနင်္ဂနွေ ပိတ်ရက်လေးတွေမှာတော့ ကျောင်းတွင် စာစုလုပ်တတ်သော အတန်းဖော် မြန်မာများထံမှ လွတ်သွားသောစာများကိုပြန်မေးရသည်။ အိပ်ငိုက်လို့ နားမလည်လိုက်သော ပုစ္ဆာများကို ပြန်ရှင်းပေးစေရသည်။ First semester အချိန်ပိုင်းအလုပ်လုပ်စဉ်ကတော့ Formula Derivation တွေများလှတာကြောင့် ကျောင်းမပြတ်တက်ခဲ့သော စာတော်သော မောင်ငယ်တစ်ယောက်က သူငယ်ချင်းများကို စုရှင်းလေ့ရှိသည်ကို သွားရောက်နားထောင်ရင်း မှတ်ဥာဏ်ပြန်ခေါ်ခဲ့ရသည်။ တပြည်ရပ်ခြားမှာရောက်နေခဲ့သော မြန်မာများ ဤကဲ့သို့စည်းရုံးကူညီမှုကို သူမ ကျေးဇူးတင်စွာဖြင့် မေ့မရပါ။ စာနားမလည်မှာကိုသာ သူမစိတ်ပူသည်။ နားလည်ပြီးလျှင်တော့ တနေ့စာတနေ့ ချက်ခြင်းမှန်မှန်လုပ်သည့်ထဲမပါခဲ့။ သည်တော့ နားလည်အောင် စာရှင်းပြသည်ကို သွားနားထောင်သည်။ ပြီးလျှင်တော့ ပစ်ထားပြီး စာမေးပွဲနီးမှ ကုန်းလုပ်တတ်သည်မှာ သူမအကျင့်။ ပထမနှစ်ဝက်တုန်းကတော့ သိပ်မဆိုးခဲ့ပါ။ သူငယ်ချင်းအုပ်စုကြီးနှင့်စာစုလုပ်ဖြစ်ကြကာ အနည်းဆုံးတော့ ၂ပတ်တခါလောက် သင်ပြီးသားစာများကို စုရှင်း စုလုပ်တတ်ကြတော့ စာကြွေးသိပ်မရှိခဲ့။ နောက်တော့ အလုပ်ချိန်များနှင့်မဆုံဖြစ်ကြတော့သော သူမသည် သူငယ်ချင်းများအလယ်တွင် တကိုယ်တည်းဖြစ်လာခဲ့သည်ပေါ့။ ကျောင်းမတက်ရသော နေ့များတွင် အလုပ်ကပြန်လာသည်နှင့် ရေချိုးထမင်းစားခါ စာရေးစာဖတ်ခြင်းများနှင့်သာ သူမပျော်ဝင်ချင်ခဲ့သည်။ သို့ပေမယ့် စက်ရုပ်ဆန်လူသားဘ၀နှင့် တနေကုန်ကျင်လည်ခဲ့ရသော ကိုယ့်ဦးနှောက်လေးက စာပေအလှအပနုရွမှုလေးတွေ ထွက်မလာတတ်ခဲ့တော့။

အလုပ်သို့သွားသည့် လမ်းမှာ အမြဲတမ်း မြေအောက်shopping centre လေးတစ်ခုကို ဖြတ်သွားရသည်။ အိပ်ငိုက်နေသော မျက်လုံးများနှင့် ခပ်သုတ်သုတ်သွားရသည့်သူမကတော့ လမ်းလျှောက်နေရင်းနှင့်ပင် လိုဏ်ခေါင်းတလျှောက်ဖွင့်ထားသော ခပ်အုပ်အုပ်လေးပျံ့လွင့်လာသည့် တေးသံသာများကို ခံစားနားဆင်တတ်သေးသည်။ ဂီတနှင့်စာပေဟာ သူမရဲ့ အကောင်းဆုံးမိတ်ဆွေပါပဲ။ သို့ပေမယ့် အိမ်ပြန်ချိန်များမှာတော့ ဂီတကို မခံစားနိုင်ခဲ့ဘဲ ကျောင်းချိန်မှီဖို့ ပြေးလွှားရပြန်သည်ပေါ့။

(၆)

စာမေးပွဲနီးလာတော့ စနေတနင်္ဂနွေ ပိတ်ရက်များတွင် စာလုပ်ဖို့အချိန်ပေးကာ ကျောင်းသို့သွားလေ့ရှိသည်။ အိမ်မှာနေလျှင်တော့ မကြာခဏစာရေးချင်တတ်သော လက်များနှင့်… မကြာခဏ အိပ်ယာပေါ်ပစ်လှဲအိပ်တတ်သော မျက်လုံးများကို တားမရနိုင်ခဲ့။

နားမလည်သောစာများကို ဆိတ်ငြိမ်စွာဖြင့် ဖတ်ရသည့်အချိန်များ။ Formula Derivation များနှင့်လုံးပမ်းရသော အချိန်များနှင့် စာကြည့်တိုက်မှ စာအုပ်များကိုးကားရန်လိုသောအချိန်များတွင်တော့ တဦးးချင်းသီးသန့်ထိုင်နိုင်သော ။ နံရံလေးနှစ်ဖက်နှင့် သူမ၏ အဆီထစ်နေသော ၀မ်းဗိုက်လေးကိုသာမက ခန္ဓာကိုယ် ခပ်သေးသေးလေးကိုပါ လုံခြုံအောင် ကွယ်ပေးနိုင်သော ထောင့်ကောင်းကောင်း ရှုခင်းကောင်းကောင်းနေရာများကို သူမရွေးချယ်လေ့ရှိ၏။ ထိုအခါ စာလေးလုပ်လိုက် မျက်စိညောင်းလျှင်ဖြင့် မှန်ပြတင်းမှ မြင်တွေ့ရသည့် ဟိုခပ်ဝေးဝေးမှိုင်းပျပျဆီမှ  နန်ယမ်းတောင်ကုန်းလေးကို မျှော်ငေးလိုက်ဖြင့် မိဘများကိုလွမ်းရင်း စိတ်အပန်းဖြေခဲ့သည်။

စာများကို နားလည်ပြီး တခါတရံမှတ်သားရမည့်စာများပါလာလျှင်တော့ နားလည်ရုံသာမက ဦးနှောက်ထဲစွဲသွားစေရန် သူမသည် အသံထွက်၍သာ ရွတ်ဖတ်လေ့ရှိသည်။ ထိုအခါ ဆိတ်ငြိမ်နေသော စာကြည့်တိုက်ထဲတွင် သူမ၏ အသံကြောင့်တော့ အနီးပတ်ဝန်းကျင်မှသူများကို အနှောင့်အယှက်မဖြစ်စေလို။ ထို့ကြောင့် ဆေးကျောင်းသားများ သုတေသနပြုလုပ်ရာ သင်ခန်းစာများသင်ကြားလေ့ရှိသည့် biomedical school ဖက်က ခုံတန်းရှည်များပေါ်သို့ သူမခြေချဖြစ်ခဲ့သည်။ ဤနေရာလေးတွင် သူမ နှင့် သူစတင်၍ သူငယ်ချင်းဖြစ်ခဲ့သည်။

။။။။

ဆိတ်ငြိမ်စွာ စာကိုတိတ်တိတ်လေးဖတ်ချင်လို့ ဆေးကျောင်းဖက်သို့ခြေချခဲ့သည့် Triple E (Electircal & Electronic Engineering) မှကျောင်းသားတစ်ဦ်းနှင့် စာတွေကို ငယ်ငယ်က စာအံကျက်သလို တတွတ်တွတ်နှင့် အော်ကျက်ကာ ဆိုချင်ခဲ့သော (Computer Engineering) မှကျောင်းသူတစ်ဦးတို့ မတူညီသော ကျောင်းပရ၀ုဏ်ထဲတွင် တွေ့ဆုံမိကြရာဝယ်….

သူကတော့ သူမကို ဒီလိုအကဲခတ်ခဲ့သည်။

တစာစာနှင့် အာဗြဲကြီးစာအော်ဆိုနေသော ပုတက်တက် အသားညိုညိုကောင်မလေးတစ်ယောက်ကို သူမျက်စိစပါးမွေးစူးခဲ့သည်။ အာဗြဲနှင့် စာအော်ဆိုကာ ပတ်ဝန်းကျင်ကို ဒုက္ခပေးရုံနှင့်မ၀သေး။ တခါတရံ သူမဆီကို မကြာခဏ ၀င်လာတတ်သည့် ဖုန်းတွေကိုလည်းပြောလိုက်သေးသည်။ တော်တော်အမြင်ကတ်ဖို့ ကောင်းအောင်အာရုံနောက်သည့်ကောင်မလေး။ အနားမှာ သူပဲရှိလို့သာပေါ့။ တခြားနိုင်ငံခြားသားတွေသာရှိလျှင် စာအော်ဖတ်သည့်ကောင်မလေးအဖြစ် ကွက်ကြည့်ကြည့်တာ ခံရဦးမည်။

သူမကတော့ သူ့ကို ဒီလိုအမြင်ကတ်ခဲ့သည်။

ငါ့ဖာသာ လွတ်လွတ်လပ်လပ်လေး စာအော်ဆိုချင်လို့  ဘယ်သူမှမရှိတဲ့ ဒီနေရာကို လာဦးထားပါတယ်။ ဒီတစ်ယောက်ကရောက်နေပြန်ပြီ။ ဒီကောင်လေးကတော့ အနှောင့်အယှက်ပဲ။ အမြင်ကို ကတ်တယ်တော်။ သူမကျေနပ်လို့ပြောင်းပြေးသွားလည်း အေးတာပဲ။ ငါတစ်ယောက်ထဲစာအော်လို့ရတယ်။ လို့တွေးကာ ပိုတောင်အော်ပစ်လိုက်သည်။

သည်လိုနှင့် စနေတနင်္ဂနွေ ၂ပတ်လောက် တယောက်ကို ခုံကြီးတခုံစီနေရာယူပြီး အနိုင်မခံအရှုံးမပေး ဘယ်သူမှမဖယ်ခွာကြပဲ စာအတူလုပ်လာရင်းနှင့် သူမ၏ စာအော်သံကို ကျင့်သားရကာ မ်ိတ်ဆွေဖွဲ့ရင်းနှင့် သူငယ်ချင်းတွေဖြစ်ခဲ့သည်။

(၇)

စာလုပ်ရင်းနားသောအချိန်တွင် သူကသီချင်းတွေဖွင့်သည်။ သူ့ချစ်သူကောင်မလေးပို့ထားသော အီးမေးလ်များနှင့် ဓာတ်ပုံများကိုဖွင့်ကာ အလွမ်းဖြေသည်။  သူမက အင်တာနက်ဖွင့်ကာစာတွေ ကွန်မန့်တွေလျှောက်ရေးတော့သည်။ တခါတလေတော့ ရေးထားတတ်သည့် စာတို ကဗျာတိုလေးများကို သူ့ကိုပေးဖတ်သည်။ သူကတော့ မခံစားတတ်။ မှတ်ချက်မပေးတာများသည်။ တခါတရံပေးတတ်သည့်မှတ်ချက်လေးကတော့ ဘာတွေရေးထားမှန်းမသိဘူးဟူ၍….

ရံဖန်ရံခါံပိတ်ရက်လေးစာလုပ်နေချိန်တွင် အရင်လုပ်ခဲ့သော ပြက္ခဒိန်လုပ်ငန်းက လူလိုလို့ လာကူပေးပါဆိုလျှင် နောက်ဆုံး semester အတွက် အချိန်ပြည့်လုပ်ရသောရုံးလုပ်ငန်းမှ ခဏထွက်ပြီး ကိုယ်လုပ်ချင်ချိ်န်မှ သွားရောက်လုပ်ကိုင်နိုင်သော အချိန်ပိုင်းအလုပ်များကို ပြန်လုပ်မည် စိတ်ကူးတာကြောင့် မိတ်ပျက်၍မဖြစ်။ ထိုအခါ စာလုပ်နေရင်းနှင့် အလုပ်သို့ထပြေးရ၏။ ထိုအခါမျိုးတွင်တော့ သူက “နင့်မလည်း စာမေးပွဲနီးတာတောင် အလုပ်ကိုပြေးရသေးတယ် ဒုက္ခ“ ဟုပြောသည်။ သူမကလည်း သူ့ရှေ့တွင် ၀မ်းနည်းသယောင်မျက်နှာထားလေးထားလိုက်ကာ “တချို့တချို့အတွက်လွယ်ပေမယ့် ကိုယ်ဟာ ရုန်းကန်လာခဲ့ဖူးတယ်“ ဟု သီချင်းလေးတပိုင်းတစဆိုပြလိုက်လျှင်တော့ “နင်က အိမ်ကယူလည်းရလျက်နဲ့ မယူတာကိုး လူဆိုးမရဲ့“ ဟုပြောဆိုရင်းကျန်ရစ်တတ်၏။

(၈)

သို့နှင့် နောက်ဆုံး semester တွင် စာတမ်းပြုစုရန် နှင့် Dissertation ကြီးအောင်မြင်စေရန်အတွက် သူမအတွက် အချိန်ပိုရမည်ဖြစ်သော  အချိန်ပိုင်းအလုပ်ခွင်ထဲသို့ပြန်လည်ဝင်ရောက်ရပြန်သည်။ သည်တော့လည်း အဖျားနှင့် ပြန်မိတ်ဆွေဖွဲ့ခဲ့ရပြန်၏။

အချိန်ပိုင်းအလုပ်ဝင်တော့ ၀င်ငွေက ၃ပုံ ၂ပုံနီးပါးလျော့ကျသွားပြန်သည်။ သည်တော့ အချိန်ပြည့်အလုပ်ပဲ ပြန်လုပ်ချင်တော့တာပါပဲ။ စာမေးပွဲနီးမှ စာစုပုံရှင်းတတ်လေ့ရှိတဲ့ သူမက စာကိုတော့ နောက်မှ စုပုံရှင်းဖို့ စိတ်ကူးထားသည်။ ဒါပေမယ့် Dissertation လုပ်ရင်းနဲ့ အဆင့်အလိုက်ရလဒ်တွေ ဆရာကို ပြနိုင်ဖို့ နှင့် ရလာဒ်တွေရရှိပုံအဆင့်ဆင့်ကို စာတမ်းပြုစုဖို့ရန်အတွက်ကတော့ အချိန်ပြည့်အလုပ်ပြန်လုပ်ပါက မဖြစ်နိုင်ခဲ့။ သို့နှင့် ငွေကြေးနှင့် အချိန်ကို လဲလှယ်ခဲ့ရသည်။ 

ဤသို့နှင့် လိုအပ်သောငွေကြေးနှင့်မရှိမဖြစ်သော အချိန်တို့ကို ယှဉ်ကြည့်နေဖို့အချိန်များမရခဲ့ဘဲ။ ပရော့ဂျက်များ။ ကျောင်းသင်ခန်းစာများ Dissertation လုပ်ရန်အချိန်များကို လောက်ငှအောင် ခွဲဝေသုံးစွဲရင်း အသားကျလာချိန်တွင်တော့ စိတ်ဖိစီးမှု များသလောက် ၀င်ငွေလည်း လုံလောက်စွာကောင်းမွန်သော အလုပ်တစ်ခုက ကမ်းလင့်လို့ကြိုလာပြန်သည်။ 

ထိုအချိန်ကတော့ Dissertation က ၇၀%ရာခိုင်နှုန်းလောက်ပြီးခဲ့ပြီး ဆက်လုပ်ဖို့ရာ တစ်နေခဲ့သည့်အချိန် ထို့ကြောင့် စာတမ်းကြီးတစ်ခုစာပြုစုဖို့ အစပျိုးထားခဲ့ပြီး ..ပြန်ဝင်မည်လော။ ဆက်မလုပ်နိုင်ခဲ့လျှင် သူမရဲ့ Dissertation ကြီးမပြီးခဲ့လျှင် ဒီဂရီမရတော့မှာမို့ စာတမ်းအခြေအနေကလည်း ဘယ်လောက်ကြာမည်မသိ။ Result ထွက်ဖို့ရာလည်း တစ်နေခဲ့သည့်အချိန်မို့စိတ်တွေ ထွေပြားကာ အလုပ်ကိုလည်း လုပ်မည်မလုပ်မည်အကြောင်းမပြန်ခဲ့။ 

အလုပ်မှဖုန်းဆက်ခေါ်ပြီး စာမေးပွဲနီးပါက ခွင့်ယူခွင့်ပေးမည်ဖြစ်တာကြောင့်လက်ခံစေလိုကြောင်း ပြောလာတဲ့အခါတွင်တော့ သူမအချိန်ပြည့်အလုပ်တစ်ခုတော့ ပြန်ရောက်ခဲ့ရသည်။ ဒီတစ်ကြိမ်တွင်တော့ ပထမ အချိန်ပြည့်အလုပ်လို စိတ်ဖိစီးမှုမနည်းခဲ့။ အချိန်တိုင်းဟာ စိတ်ဖိစီးမှုများအောက်တွင် ကုန်ဆုံးခဲ့ရသည်။

နေထိုင်ခွင့် ကဒ်ကိုလည်း ကျောင်းသားကဒ်မှ ၀န်ထမ်းကဒ်သို့ကူးပြောင်းပြီးပြီမို့ အားတင်းခါပင် ၂ခုလုံးနိုင်အောင်လုပ်ရတော့သည်။ အထက်တန်းစာမေးပွဲဖြေဆိုချိန်မှာတောင် ည၁၂နာရီထက် ပိုညဥ့်နက်အောင် စာမကျက်တဲ့သူမရဲ့ ညအိပ်ချိန်များသည် စာတမ်းရေးရန်အတွက်  ရလဒ်ကြီးပြီးအောင်လုပ်ဖို့ရန်အတွက် အမြဲပဲ ၂နာရီကျော်ခဲ့ရသည်။ မနက်ရောက်လျှင် အိပ်ရာမှထလို့ စိတ်ဖိစီးမှုများစွာပြည့်နေသော အလုပ်သို့သွားရပြန်၏။

တခါတလေ ကျောင်းအီးမေးလ်ကို အလုပ်ထဲတွင် ၀င်စစ်ခိုက် ပရော်ဖက်ဆာက ကိုယ်ရေးထားတဲ့ စာတမ်းကို မကြိုက်လို့ မှတ်ချက်တွေပေးကာပြင်ခိုင်းချိန်နှင့် သူမ၏့ အလုပ်မှလည်း စိတ်ဖိစီးများ မမျှအောင် တွေ့ကြုံနေရချိန်များနှင့် တိုက်ဆိုင်လျှင်တော့ မခံစားနိုင်တဲ့စိတ်နဲ့ ဘယ်သူ့မှ ဂရုမစိုက်နိုင်တော့ဘဲ ချုံးပွဲချကာ အားပါးတရ ငိုမိတော့သည်။ လုပ်ဖော်ကိုင်ဖက် နိုင်ငံခြားသားများက ဘာများဖြစ်သလဲဟ။ ဆိုကာမေးကြမြန်းကြနှစ်သိမ့်ကြလုပ်ကြ၏။ ထိုအခါမျိုးတွင်တော့ သူမက ငိုရင်းလက်စနဲ့ ပရော်ဖက်ဆာ ပို့ထားတဲ့ အီးမေးလ်ကို လက်ညှိုးထိုးပြလိုက်သောအခါတွင်တော့ သူတို့သဘောပေါက်သွားတော့သည်။ ထိုအခါ ခွင့်ယူမလားဘာလုပ်မလည်း ဟုမေးလာတော့ သူမက ရှိုက်လက်စမရပ်တန့်နိုင်ဘဲရှိုက်ကြီးတငင်ဖြင့် ငါက ည၂နာရီထိ ရေးထားတာကို ပရော်ဖက်ဆာကြီးက မကြိုက်ဘူးတဲ့။ ဟု လက်ညှိုးတထိုးထိုးဖြင့် ရင်ဖွင့်မိတော့သည်။ 

(၉)

ထိုအချိန်မှ စ၍ စိတ်ထဲရှိတိုင်း မအောင့်အည်းတတ်ဘဲ တုံ့ပြန်တတ်သော။ စိတ်ကို ထိန်းချု့ပ်နိုင်မှုနည်းသော။ ခံစားလွယ်သော  သူမ၏ စိတ်ရင်း စရိုက်ကို လူတိုင်းသိမြင်သွားခဲ့သည်။ ( စီနီယာကတော့ သူမအား “ကလေးမဟုတ်တော့ဘူး။ စိတ်ကို တင်းထား တင်းထား“ ဟု အမြဲအားပေးလေ့ကျင့်နေခဲ့သည်မှာ ယခုထက်တိုင် ဒါပေမယ့် ယခုထိတိုင်လည်း သူမစိတ်များကို မပြောင်းလဲနိုင်ခဲ့သေးပါ)။ သို့နှင့် မအောင့်အီးနိုင်သောအချိန်များတွင် ငိုကြွေးရင်း။ ငိုက်တလှည့် စိတ်ညစ်တလှည့် ကြားမှ ကျောင်းစာများကိုလုပ်လိုက်ရင်းနှင့်…သူမ  ကျောင်းပြီးသွားခဲ့သည်။

(၁၀)

ပိုက်ဆံကို သူတပါးတိုင်းပြည်မှာ ကိုယ်တိုင်ရှာဖွေရတော့မှ စိတ်ဖိစီးမှုများနှင့် ရင်းကာရခဲ့သော ၀င်ငွေများအဖြစ် သူမတန်ဖိုးထားတတ်ခဲ့လာသည်။ 

တခါတရံ ဖုန်းဆက်မိချိန်များတွင် သူငယ်ချင်းကသူ့အိမ်ထောင်ရေး ရှေ့ရေးများကိုပြောပြတတ်သည်။ နင်လည်း ယောက်ျားယူတော့ဟု တိုက်တွန်းတတ်သေးသည်။ ထိုကဲ့သို့ တိုက်တွန်းတိုင်း “သူငယ်ချင်းရေ…. ကိုယ်က စာတွေကို သင်ယူခဲ့ရတဲ့ ကျောင်းသူလေးပဲဖြစ်ခဲ့ဖူးတာလေကွယ်။ အချစ်အကြောင်းလေး ကြေညက်အောင် အချစ်ရဲ့ကျောင်းသူလေး လုပ်ဖို့တော့ လိုလိမ့်ဦးမယ်။ ဒါမှလည်း နင်ပြောတဲ့ အိမ်ထောင်ပြုရေး ခိုင်မြဲအောင်ထိန်းသိမ်းနိုင်မှာပေါ့။“ ဟု ရယ်သွမ်းသွေးကာ ပြန်လည်စနောက်ခဲ့သည်။

တကယ့်လက်တွေ့မှာ ပညာသင်ကြားရသော့ ကျောင်းသူလေးဘ၀နှင့် စာတွေကို ကျေညက်အောင် ကြိုးစားလေ့လာသင်ယူလို့..ကံ၊ဥာဏ်၊၀ီရိယ ထပ်ပေါင်းကာ ဘ၀အသက်မွေးမှုအတွက် မြင့်မားသောခုံတစ်ခုံရရှိအောင် ကြိုးစားရမည်မှာ ဖြစ်နိုင်ပေသေးသည်။ အချစ်ရဲ့ကျောင်းသူအဖြစ် မြတ်နိုးတွယ်တာချစ်ခင်မှု၊ သစ္စာရှိမှု နှင့် မေတ္တာမပျက်ယွင်းမှုတို့ကို ကိုယ့်ခင်ပွန်းဆီက ဘ၀တစ်သက်တာလုံး မပျက်မယွင်းအောင် ထိန်းသိမ်းရရှိစေဖို့ ကြိုးစားရမည်မှာ တကယ်ရော လွယ်ပါမည်လော၊ ဖြစ်နိုင်ပါမည်လောဟု။ သူတစ်ပါးစိတ်ကို ထိန်းချုပ်ဆွဲငင်ဖို့ရာ ယုံကြည်မှုနည်းလွန်းသော သူမတွေးနေမိပါသည်။

Read More

အခန်းထောင့်ကသစ်ပင်

  photo source:  http://fusionbonsai.files.wordpress.com/2012/01/bp16.jpg

တစ်ခုသော ညနေခင်းတွင် ကျွန်တော်သည် ပန်းတွေနှင့် သစ်ပင်များရှိရာ နေရာလေးတစ်ခုကို ရောက်သွားခဲ့၏။ သစ်ပင်တွေက စိမ်းစိုစို ပန်းတွေက အရောင်သွေးစုံလို့ စိတ်ချမ်းသာဖွယ်ပါပဲ။

မှိုင်တွေတွေ သစ်ပင်လေးတစ်ပင်အနားကို မထင်မှတ်လိုက်ပါဘဲ ချဉ်းကပ်သွားမိ၏။ ဒီအချိန်ထိ ကျွန်တော့်ရင်ထဲ မြတ်နိုးပိုင်ဆိုင်ချင်စိတ်တို့ မဖြစ်ထွန်းသေး။ ဒါပေမယ့် သစ်ပင်လေးနဲ့ ကျွန်တော် စိတ်ချင်း နီးစပ်မှုတွေ ရခဲ့တယ်ဆိုမလားပဲ။

နောက်နေ့တွေ နောက်နေ့တွေလည်း အဲသည့်နေရာကို သွားလို့ သစ်ပင်လေးကို သွားကြည့်မိတယ်။ ရင်းနှီးစိတ်တွေ အမြစ်တွယ်ခဲ့ပြီကိုး။

xxx

တနေ့တော့ သစ်ပင်လေးက ကျွန်တော့်ကို ပြောခဲ့သလိုပဲ။ : ငါမင်းကိုမြတ်နိုးတယ်။ ငါ့ကို စိုက်ပျိုးပါ။ အထီးကျန်ဆန်တဲ့ဘဝမှာ နေသားကျပေမယ့် မြတ်နိုးမိပါသတဲ့:။

သူတစ်ပါးအတွက် ဘယ်လိုနေမယ်မသိ။ ကျွန်တော့်အတွက်တော့ သစ်တစ်ပင် ထပ်စိုက်ဖို့ခက်ခဲနေပါသည်။ တစ်ပင်စိုက်လျှင် တစ်ပင်ဆိုသလို ကျွန်တော်နှင့်ထပ်တူ ရှင်သန်စေချင်နေမိတာကိုး။ 

ဒီမတိုင်မီက သစ်ပင်ပိုင်ရှင်က စိုက်ပျိုးပေးပါရန် လိုလိုလားလားတောင်းဆိုမှုများကြောင့် ကျွန်တော်သစ်ပင်တစ်ပင် စိုက်ပျိုးခဲ့ဖူးသေးသည်။ ကျွန်တော့်အတွက် မွှေးကြူလှပသော ပန်းရနံ့များနှင့် ထုံမွှမ်းစေရပါမည်။ ကျွန်တော့်စိတ်ချမ်းသာမှုမှန်သမျှကို ပွင့်သောပန်းများနှင့် ဖြစ်တည်စေရမည်ဟူသော စကားအထပ်ထပ်နှင့် သစ်ပင်တစ်ပင်ကို ကျွန်တော် ပိုင်ဆိုင်ခဲ့ဖူးသည်။ ကျွန်တော့်လက်ထဲတွင် လန်းရွှင်ခဲ့၏။ ပြောရမည်ဆိုလျှင် ထိုသစ်ပင် ကျွန်တော့်ကို စောင့်ရှောက်ခဲ့၏။ သို့သော် ပန်းပွင့်ရန်ကိုကား သူပျက်ကွက်ခဲ့၏။ ထို့ကြောင့် စိတ်မြန်လက်မြန်ရှိသော ကျွန်တော်က ပန်းပွင့်မယ်ဆိုပြီး မပွင့်တဲ့ သစ်ပင် ခင်ဗျားသာ ပြန်ယူပေတော့ဟု စိတ်ဆိုးတကြီး ပြန်ထိုးအပ်ခဲ့၏။ ကျွန်တော်ပြန်ပို့ပြီး သိပ်မကြာခင် ပန်းပွင့်လန်းလာ၏။ ပိုင်ရှင်က ပြန်ယူစေချင်၍ အကြိမ်ကြိမ်တောင်းပန် ခယခဲ့သော်လည်း ကျွန်တော်လက်မခံလိုတော့။ သေချာသည်က ထိုသစ်ပင်အပေါ် ကျွန်တော့်သံယောဇဉ် ပါးရှားခဲ့သည်ပင်။ ၀မ်းနည်းသော သစ်ပင်အတွက်ကား ကျွန်တော် မတတ်နိုင်။ 

တစ်ခါခဲမှန်ဖူးသော စာသူငယ်အဖြစ် ကျွန်တော် အချိန်ယူဖို့လိုအပ်သည်ဟုထင်သည်။

သို့သော်....

ယခုသစ်ပင်လေးအပေါ်တွင်တော့ အခါများစွာ သွားရောက်ကြည့်ပြီး သံယောဇဉ်တို့ တနင့်တပိုး တိုးလာခဲ့သည်။ ထိုသို့ဖြင့် ကျွန်တော် သစ်ပင်လေး စိုက်ပျိုးမည်ဟု နောက်ဆုံးတွင် ဆုံးဖြတ်ချက် ချခဲ့၏။ ပိုင်ရှင်နှင့်တွေ့ကြည့်တော့ ဤသစ်ပင်တွင် အပြစ်အနာအဆာလေးများရှိကြောင်း ပြောဆိုပြသခဲ့၏။ သစ်ပင်လေး ပန်းပွင့်ရန် မပွင့်ရန်လည်း မသေချာ။ ယခုသစ်ပင်သည် ပန်းပွင့်များနှင့် ငွားစွင့်ပြီး ကျွန်တော့်ကို စိတ်ချမ်းသာမှု ပေးမည်ဟု မဆိုနိုင်။ သူစိတ်ချမ်းသာသလိုသာ ရှာကြံနေမည့် သစ်ပင်မျိုးတဲ့။ ထို့ကြောင့် စိုက်ပျိုးရန် စဉ်းစားပါတဲ့။ သစ်ပင်၏ အမူအရာများကလည်း ထိုသို့နှယ်သာ သူမြတ်နိုးခဲ့သည်ဟု ပြောခဲ့သယောင်ပေမယ့် ခုတော့သူမဟုတ်သယောင် ။  ကျွန်တော်စိုက်ပျိုးမည်ဟု ဆုံးဖြတ်ချက်ကျချိန်ကျ သူ့အမူအရာများသည် ပိုင်ရှင်ပြောသော စကားများကဲ့သို့ထပ်တူပင်။ သို့သော် စူးနစ်တွယ်တာပြီး ပိုင်ဆိုင်လိုသော ကျွန်တော်. ထိုသစ်ပင်တွင် ကျွန်တော်လက်မခံနိုင်သော အပြစ်အနာအဆာများရှိခဲ့သော်လည်း  မေ့ပစ်ခွင့်လွှတ်ကာ အိမ်သို့သယ်ဆောင်ခဲ့၏။ ထို့နောက် ကျွန်တော့် အ်ိမ်အခန်းထောင့်တွင် နေရာပေး၍ အမြဲကျွန်တော်ဂရုစိုက်ဖို့ ဆုံးဖြတ်ခဲ့သည်။

xxx

ကျွန်တော်၏ အလုပ်လုပ်ချိန်၊ သင်တန်းတချို့တက်ချိန်များမှ လွဲ၍ အချိန်တိုင်းတွင် ထိုသစ်ပင်အား မြတ်နိုးမှုအပြည့်ဖြင့် ဂရုစိုက်လို့သာ နေခဲ့၏။ သစ်ပင်အတွက်သာ ကျွန်တော့်အချိန်တို့ပေးခဲ့၏။ သစ်ပင်အတွက် ကျွန်တော်အရူးအမူးဖြစ်ခဲ့၏။

ကျွန်တော့်ကို မြတ်နိုးယောင်ပြခဲ့သော သစ်ပင်လေးကို ကျွန်တော်ပိုင်ဆိုင်ခဲ့တော့ ရုံးမှပြန်ရောက်သည်နှင့် သစ်ပင်လေးအပေါ် ယုယခဲ့သည်။ အရိပ်တကြည့်ကြည့် စောင့်ကြည့်ခဲ့သည်။ သစ်ပင်လေးအတွက် နေရောင်လိုလျှင် နေရောင်ရစေဖို့။ ရေဓာတ်လိုအပ်လျှင် ရေဓာတ်ရစေဖို့ ကျွန်တော် တတ်သလောက် မှတ်သလောက်နှင့် လိုအပ်သမျှ ဖြည့်ဆည်းပေးခဲ့သည်။ သစ်ပင်လေး လန်းရွှင်နေလျှင် ကျွန်တော် ပျော်သည်လေ။ ကျွန်တော့် စောင့်ရှောက်မြတ်နိုးမှုအောက်မှာ သစ်ပင်လေး လန်းရွှင်စေလိုသည်။ အထီးကျန်ဆန်လွန်းသော သစ်ပင်လေး မဖြစ်စေရ။ သစ်ပင်လေးအတွက် ကျွန်တော် တစ်ယောက်လုံးရှိသည်။ သည်သို့သာ ကျွန်တော်ခံယူထားခဲ့၏။

xxx

အစအစ ပထမတွင် သစ်ပင်လေး ကျွန်တော့်ထံပါးတွင် ပျော်မွေ့ခဲ့ပေသည်။ လန်းဆတ်သော အမူအရာများနှင့် ကျွန်တော့်စိတ်ထင် အပြုံးများပင် လန်းပွင့်လာသလိုလို။ မင်းကိုငါမြတ်နိုးတယ်ဟု မကြာခဏ ပြောလာသလိုထင်မိ၏။ ထို့ကြောင့် ကျွန်တော်ပျော်ခဲ့သည်။ ကျွန်တော့် သစ်ပင်လေး လန်းရွှင်နေလျှင် ပြီးရော ကျွန်တော်တတ်နိုင်သမျှ လိုအပ်သမျှ လုပ်ပေးဦးမည်။ လုပ်ပေးချင်သည်။

ကျွန်တော့်သစ်ပင်လေးကို အမှန်တော့ ကျွန်တော်တစ်ဦးတည်းသာ အရိပ်ကြည့်နေချင်သည်။ သို့သော် သစ်ပင်လေး သည် သူ့သဘာဝအရ မျိုးတူ သစ်ပင်တို့အကြားတွင် စိတ်ချမ်းသာပေမည်။ ထို့ကြောင့် မျိုးတူတွေ့တိုင်း ပိုလန်းဆတ်လာတတ်သော သစ်ပင်လေးအတွက် တခါတရံ ကျွန်တော့် ဂရုစိုက်များက တိုးမပေါက်ခဲ့။ မျိုးတူများကြား ပျော်မွေ့လိုသော သစ်ပင်လေးအတွက် အပတ်စဉ် ရုံးပိတ်ရက်တိုင်း မျိုးတူများကြားသို့ သွားရောက်ပို့ဆောင်ပေးပြီးတိုင်း ပျော်ရွှင် လန်းဆတ် တက်ကြွနေခဲ့သော သစ်ပင်လေးအား တိတ်တဆိတ် သွားကြည့်ကာ ကျွန်တော်ပါရောပျော်ပေးခဲ့သည်လည်း ရှိ၏။ ကျွန်တော်နှင့် နေရသည်ထက် သူ့မျိုးတူများအကြားနေရသည်ကို လန်းဆန်းတက်ကြွပျော်ရွှင်ယောင် ပေါ်ပေါ်တင်တင်ပြခဲ့သော သစ်ပင်၏အမူအရာများကြောင့် ရင်ထဲစို့နင့် ခံစားခဲ့ရသည်များလည်းရှိ၏။ ကျွန်တော်က ခံစားချက် ပြင်းထန်လွန်းသည်ကိုး။

ထိုသို့ဖြင့် ကျွန်တော့်လက်ထဲတွင် သစ်ပင်လေးသည် ပျော်တလှည့် ညှိုးတလှည့်ဖြင့် သက်တမ်း ကြာခဲ့သည်။ သစ်ပင်လေး ကျွန်တော့် အခန်းထောင့်သို့ရောက်ခဲ့တဲ့ ရက်စွဲလေးတွေ ရောက်လာတိုင်း ကျွန်တော်က သစ်ပင်လေးကို ပြောလေ့ရှိ၏။ မင်း ကိုယ့်အခန်းကိုရောက်တာ ဘယ်နှလကြာပြီကွ။ ပျော်ရဲ့လား။ မင်းကိုတော့ မြတ်နိုးစိတ်တွေ တိုးတိုးလာတယ်။ မင်းရော မြတ်နိုးသေးလားကွ။ တွေ့စတုံးကလိုလေ။ မင်းမြတ်နိုးသေးရဲ့လား။ ညှိုးနွမ်းမနေပါနဲ့ကွာ။ မင်းကို အမြဲလန်းဆန်းနေတာပဲ မြင်ချင်တာ။ မင်းဘာလိုအပ်သလဲပြော။ ပေးဖို့အဆင်သင့်ပဲ။ ဘာလိုနေလည်း။ နေမကောင်းဘူးလား။ ဧကန္တ နေရောင်ခြည် နည်းပြန်ပြီထင်တယ်။ ဆိုကာ နေရောင်ခြည်ထဲ ချပေးဖို့လည်း မပျက်ကွက်ခဲ့။ သို့ပေမယ့် သစ်ပင်လေးက စကားပြန်မလာရုံအပြင် အမူအရာနဲ့လည်း လန်းဆန်းတက်ကြွပုံတောင် မပြတော့ဘဲ ကျွန်တော့်အခန်းလေးထဲ နေရတာ ညှိုးရော်နေသယောင်တွေ အထပ်ထပ်ပြလာတော့ ကျွန်တော်စိတ်မကောင်းဖြစ်ရသည်။

သစ်ပင်လေး ကျွန်တော့်အခန်းတွင် မနေလိုတော့ဘူးလား။

ပန်းမပွင့်ပေမယ့်၊ ကျွန်တော့်အတွက် လတ်ဆတ်ပျော်ရွှင်ခြင်းတွေ သစ်ပင်လေးက မဖန်တီးပေးခဲ့ပေမယ့် ၊ ကျွန်တော့်စကားတွေအပေါ် တခါတရံ သူလန်းဆတ်သောအမူအရာတွေနဲ့ တုံ့ပြန်ခဲ့လျှင်တောင် ပျော်ရွှင်ခဲ့သော ကျွန်တော်က ကိုယ့်ကိုယ်ကိုယ် လှည့်ဖျားကာ အရင်က သစ်ပင်လေးက မြတ်နိုးလို့ ငါ့ကို စိုက်ပျိုးစေလိုတဲ့ အမူအရာတွေပြခဲ့လို့ မြတ်နိုးတဲ့ ငါက စိုက်ပျိုးခဲ့တာပဲ။ သူ နေရောင်လိုလို့ ညှိုးငယ်နေတာ နေမှာပါ။ ရေဓာတ်များခန်းခြောက်နေသလား။ ငါဆောင်ကြဉ်းပေးဦမှ ဆိုကာ တတ်သမျှနည်းလမ်းများဖြင့် ပိုလို့သာ ဂရုစိုက်မြဲ။  ဤသို့နည်းဖြင့် ကိုယ့်ကိုယ်ကို လှည့်ဖျား၍ စိတ်မကောင်းဖြစ်လာလျှင် ထိုစိတ်တို့ကို ခပ်ဝေးဝေးသို့ မောင်းထုတ်ညာခဲ့သည်။ 

xxx

သို့ပေမယ့် သစ်ပင်လေး ကျွန်တော့်အခန်းထောင့်တွင် နေရသည်မှာ မပျော်ရွှင်ကြောင်း နှင့် မျိုးတူ သစ်ပင်တစ်ပင်နှင့် ဝေးခဲ့ခြင်းအတွက် ညှိုးနွမ်းခံစားနေရသည်မှာသေချာကြောင်း ၊ အကြိမ်ကြိမ် ကိုယ့်ကိုယ်ကို ညာနေခဲ့သော ကျွန်တော်  သိခဲ့သည်။ သို့သော် ကျွန်တော့်အခန်းထောင့်တွင် မပျော်တော့သော သစ်ပင်လေးကို မစွန့်ခွာချင်သော ကျွန်တော်၊ သစ်ပင်လေးအနား ဖက်တွယ်ကာ အရင်လိုပင် ဂရုစိုက်နေဆဲ၊ အရင်လိုပင် စကားပြန်မလာတတ်သော သစ်ပင်လေးအပေါ် မြတ်နိုးမှုစကားတွေ တတွတ်တွတ်သွန်ချနေဆဲ။ သစ်ပင်က ညှိုးနွမ်း မပျော်ရွှင်မှုနဲ့ တုန့်ပြန် ၊ ကျွန်တော်က မြတ်နိုးမှုတွေ သွန်ချ။ သည်အခြေအနေကို ကျွန်တော် ဘယ်လောက်ကြာကြာ တောင့်ခံနိုင်မှာတဲ့လဲ။

ဤသို့ ကျွန်တော့်အခန်းလေးထဲ တစ်စထက် တစ်စ တိုး၍ ခြောက်သွေ့ ညှိုးနွမ်းလာတဲ့ သစ်ပင်လေးရဲ့ မပျော်ရွှင်မှုကို ကျွန်တော်ကြာတော့ မကြည့်ရက်တော့။ ကျွန်တော့်ရဲ့ မစွန့်လွှတ်လိုတဲ့ တွယ်တာမြတ်နိုးစိတ် ကြီးလွန်းတဲ့ နှလုံးသားရဲ့ အစွဲအလန်းကြီးစွာ ခံစားနေရမှုကိုလည်း မကြည့်ရက်တော့။ နောက်ဆုံးမှာတော့ ကျွန်တော့်ကို စွန့်ခွာသွားလိုတဲ့ သစ်ပင်လေးအတွက် လွတ်မြောက်ရာလမ်းကို ကျွန်တော် ရွေးချယ်လိုက်ပါသည်။

ကျွန်တော့် သစ်ပင်လေး သွားချင်တဲ့အရပ်ကိုသွားပါတော့။ ကျွန်တော့် ဂရုစိုက် မြတ်နိုးခြင်းတွေအောက်မှာ မပျော်လို ၊ ဆက်လက်ရှင်သန်ကြီးထွားခြင်း မပြုလိုတော့တဲ့ စွန့်ခွာလိုတဲ့ သစ်ပင်လေး ပျော်ရာနေရာမှာ ပျော်သလို ရှာကြံနေပါစေတော့။

ဤသို့ဖြင့် ကျွန်တော့်ခံစားချက်ကို ကျွန်တော် စတေးကာ သစ်ပင်လေးအား မူလသယ်ဆောင်လာခဲ့ရာမျိုးတူ သစ်ပင်ရှိရာအရပ်သို့ ကျွန်တော် ပြန်ပို့ပေးခဲ့သည်။

သို့ပါသော်လည်း မာန်ဝင့်တဲ့ မျိုးတူ သစ်ပင်ကြားမှာ ကိုယ့်ကိုယ်ကိုယ် စောင့်ရှောက်နေဖို့၊ ဘာမဆိုတောင့်ခံနိုင်ဖို့နဲ့  ပိုင်ရှင်က ကျွန်တော့်လို သစ်ပင်လေးအပေါ် တယုတယ စောင့်ရှောက်ခြင်းမရှိလျှင် မိမိကိုယ်ကို ရပ်တည်ဂရုစိုက်ဖို့ ၊ အထီးကျန် ၀မ်းနည်းခြင်း ဖြစ်တည်လာလျှင် လွတ်မြောက်စေဖို့ အကြောင်းတွေ တတွတ်တွတ် မှာကြားရင်း ကျွန်တော့်အတွက် ဘာစကားမှမဆိုသော ကျွန်တော့်အတွက် လတ်ဆတ်ခြင်းတွေ မပြတော့သော သစ်ပင်လေးကို မူလနေရပ်သို့ ကျွန်တော် ပြန်လည်ပို့ဆောင်ခဲ့ပါသည်။

xxx

ခုတော့ သစ်ပင်လေးနေခဲ့သော ကျွန်တော့်အခန်းထောင့်သည် ညှိုးငယ် ၀မ်းနည်းစွာဖြင့် ကွက်လပ်လေးဖြစ်လို့နေသည်။ ထိုအခန်းထောင့်တွင် မနေလိုတော့သည့် သစ်ပင်လေးကတော့ မြတ်နိုးမှုတွေ သွန်ချနေသည့် ကျွန်တော့် ဂရုစိုက်မှုများမှ လွတ်မြောက်၍ မျိုးတူသစ်ပင်ဆီသို့ သွားနိုင်မည် ဖြစ်သောကြောင့် ပျော်မွေ့နေမည်လား။ ကျွန်တော် မသေချာ။ 

သစ်ပင်စိုက်ပျိုးလျှင် ကျွန်တော်နှင့်အတူ ရှင်သန်လန်းဆတ်စေလိုသောကျွန်တော့် စိတ်နှင့် ၊ ညှိုးရော်ခြောက်သွေ့လျက် ကျွန်တော့်အား နှုတ်ဆက်စကားပင် မဆိုလေခဲ့သော၊ ကျွန်တော့် မြတ်နိုးမှုတို့ ပုံနှင်းအပ်ခံခဲ့ရသော သစ်ပင်လေးအား မြင်ယောင်ပြီး နောင်တစ်ကြိမ် သစ်ပင်စိုက်ပျိုးဖို့ ကျွန်တော်ကြောက်ရွံသွားပါသည်။ 

ခု …..ညှိုးရော်ဝမ်းနည်းနေသော ကျွန်တော့် အခန်းထောင့်တွင် ကွက်လပ်။ မြတ်နိုးခဲ့သော ကျွန်တော့် ရင်ထဲတွင် သစ်ပင်လေးအတွက် ခံစားချက်တွေ ပြည့်ကြပ်။

ကြည်ဖြူပိုင်

၈-စက်တင်ဘာ-၂၀၁၃

နေ့လည် ၁၂ နာရီ ၄၅ မိနစ်

Read More

ကောင်မလေးတစ်ယောက်ရှိခဲ့တယ်

သာမန်ကောင်မလေးတစ်ယောက်ပါပဲ။

ရုပ်မချောဘူး

ချစ်ဖို့မကောင်းဘူး

ခင်ဖို့ကောင်းတဲ့ရုပ်ထွက်မနေဘူး

စိတ်ကိုတန်းဖတ်နိုင်တဲ့ ဟန်မဆောင်တတ်တဲ့မျက်နှာတစ်ခုတော့ပိုင်ဆိုင်တယ်။

အဲဒိကောင်မလေးက....................................................

တယ်လီဖုန်းစင်နားမှာမတ်တပ်ရပ်ရင်း မိုးတွေသည်းလေတွေထန်နေတဲ့ လေယာဉ်ရပ်ထားရာကွင်းပြင်ထဲကိုငေးကောင်းကောင်းနဲ့ ငေးမောနေခိုက်...

“ဟေ့...ကောင်မလေး.ဘာတွေငေးနေတာလဲ။ မုန့်ကိုကုန်အောင်မစားလို့ ဦးအုန်းဆူလိမ့်မယ်။ သွားသွား...အမြန်သွားစား”

“ဟင်...အဲဒါအနော့်ဖို့ဟုတ်လို့လား။ ကိုသက်အောင်တစ်ဝက် အနော်တစ်ဝက်လေ”

“အာ..ဒီကောင်လေးက ဦးအုန်းနဲ့လိုက်သွားပြီး အပြင်မှာအ၀တီးလာတာ.ညည်းပဲဝအောင်စား”

“အာ..ဒါဆိုရင်တော့ကော်တာပဲ..အနော်ကသူ့ဖို့ထင်လို့ ချန်ထားရတာ။ အရမ်းကြိုက်လို့အကုန်စားချင်တာ”

ပြောရင်းနဲ့ပဲ သူမတို့ စားသောက်နေကျနေရာလေးကမုန့်ဆီကို အရောက်သွားပြီး ကြိုက်လှတဲ့ အာလူးကတ်တလစ်ကိုအကုန် စားလိုက်တယ်။

အဲဒိကောင်မလေးက မုန့်သိပ်ကြိုက်တယ်။

၁၂နာရီထိုးတော့ စားသောက်ဖို့ပြင်ကြပြီ။

“ရော့...သမီး ။ ညည်းသိပ်ကြိုက်တဲ့ ထားဝယ်မကြီး ၀က်သားနှပ်”

“အိုး...တော်လိုက်တဲ့ဦးအုန်း..အနော်ဒီနေ့အိမ်ကဟင်းကို သိပ်မကြိုက်လို့ညစ်နေတာ။ 

ဦးအုန်းဗိုက်ထဲပုဏ္ဏားလေးများရှိလေသလား။အဘအမျိုးသမီးသုပ်တဲ့သရက်ချဉ်သုပ်ကလဲကောင်းမှကောင်း။ ကိုသက်အောင်ငပိချက်ကလဲ ရှယ်ပဲ။ အမလေး...အနော့်ဗိုက်တော့ဒီနေ့ခွေးနမ်းတော့မှာပါပဲ”

“စား..စား..၀အောင်သာစား..ဒီကလေး၂ယောက်ရှိနေလို့ ငါဝယ်ရကျိုးနပ်တာ. နို့မိုဆိုညည်းအဘက တို့ကနန်းဆိတ်ကနန်းစားတာ”

“ဟဲဟဲ..အဘတို့ကနန်းဆိတ်ကနန်းစားတော့ အနော်နဲ့ကိုသက်အောင် အ၀တီးရတာပေါ့”

ကိုသက်အောင်ကလဲအားပါးတရထောက်ခံတယ်

 “ဟုတ်တယ်..ကျနော်ကတော့ အ၀ကိုတီးမှာ။ အဘဖို့မကျန်ရင်နေပလေ့စေ။ မချန်တော့ဘူး။ အဘလာရင်မရှိတော့ဘူးပြောလိုက်မယ်..ဟီဟိ”

နောက်ဖက်ကိုရေနွေးသွားထဲ့တဲ့ အဘ တစ်စွန်းတစ်စကြားတော့

“ဟေ့ကောင်မင်းနော်...ငါနောက်နေ့ မင်းကြိုက်တဲ့ဟင်းထည့်မလာဘဲနေမှာ”

ဒီလိုနဲ့စရင်းနောက်ရင်း ထမင်းဝိုင်းလေးဟာ အမြဲစိုပြည်ဆဲ။ ထမင်းစားရင် လူစုံအောင်စောင့်ပြီးမှာစားလေ့ရှိတဲ့ဓလေ့လေးကလဲချစ်စရာပါ။

အကုန်လုံးတစ်ယောက်တစ်လှည့်ဝိုင်းထည့်ပေးတဲ့ အရသာရှိတဲ့ ထမင်းလေးကိုစားပြီး အဘထည့်လာတဲ့ ရေနွေးတစ်ကြိုက်သောက်လိုက်တယ်။

အဲဒိကောင်မလေးက ဦးအုန်းဝယ်ကျွေးနေကျ ထားဝယ်မကြီးဝက်သားနှပ်နဲ့ အာလူးကတ်တလစ်ကို သိပ်ကြိုက်ခဲ့တာပါ။

“Audit ကြီးလာပြီ...စာရွက်စာတမ်းတွေရှာဖို့သာပြင်ပေတော့ ငါတော့လစ်ပြီ။နက်ဖြန်ကျမုန့်တွေအများကြီးဝယ်လာမယ်နော်..မင်းတို့ကုန်အောင်စားရမယ်”

ဦးအုန်းက မျက်စိတစ်ဖက်မှိတ် ပြောင်ပြရင်းလွယ်အိတ်ကောက်လွယ်ထွက်သွားတယ်။ (အမှန်တော့ ၂နာရီသူ့ဂျူတီချိန်းတာမို့ ပြန်တာပါ)

Audit ကတော့ စတိုင်လ် အပြည့်နဲ့ရောက်လာပြီးသကာလ။ မင်းသားကြီးအက်ရှင်မျိုးနဲ့ လက်ပ်တော့အိတ်ကြီးစားပွဲပေါ်တင်...ထိုင်ခုံပေါ်မိန့်မိန့်ကြီးထိုင်လိုက်တယ်။

 “ကဲ..၂၀၀၂က Airway Bill တွေစစ်မယ်”

သေစမ်းဟ နန္ဒိယ လို့သာ စ်ိတ်ထဲကကြိတ်အော်လိုက်တယ်။ ဟုတ်တယ်လေ။ ကိုယ်တွေတင်ထားက ၂၀၀၅ ၂၀၀၆ စာရွက်စာတမ်းတွေ သူကြည့်ချင်တဲ့ list ချပြလာတော့...အားပါးပါး....ရှေ့နှစ်ဟာတောင်မနည်းရှာရမှာ...ဒါဆိုရင်တော့...မလွယ် မလွယ်။။။တွေးပြီးသကာလ။ ကိုသက်အောင်နဲ့ကောင်မလေးတို့ ဖိုင်လ်တွေထားတဲ့ အခန်းလေးထဲရောက်လာခဲ့ရတယ်။

“ရော့ ...နင်ကဒီဖိုင်လ်ထဲမှာရှာ။ ငါကဒီဖိုင်လ်ထဲမှာရှာမယ် ကောင်မလေး”

ကိုသက်အောင်ပေးတဲ့ ဖို်င်လ်ပုံထဲခေါင်းနှစ်ရှာရင်း။ ပါးစပ်ကပွစိပွစိပြောနေမိတယ် “Audit ကြီးကလဲ လွယ်ရာတေ့ာမရှာခိုင်းဘူး။ ဘယ်ပဝေဏသီကဟာတွေလာရှာခိုင်းလဲမသိဘူး။ စိတ်ညစ်တယ်။ခေါင်းတောင်မူးလာပြီ။”အဲလိုတဗျစ်တောက်တောက်ပြောရင်း

စာရွက်တွေရှာလေ့ရှိတယ်။

အဲဒိကောင်မလေးဟာ အဟောင်းတွေမြေလှန်ရှာဖွေရမှာ စိတ်မရှည်တတ်သူပါ။

“ကောင်မလေး..နင်ပိန်တယ်။သက်အောင်ကပိုပိန်တယ်။ နေဦး...ဒီကလေးနှစ်ယောက်ကိုငါဝအောင် အစားတွေအရမ်းကျွေးမှဖြစ်မယ်။ မင်းတို့ ၂ယောက်အိမ်မှာဆိုစောင့်ကျွေးသူမရှိရင် ထမင်းကောင်းကောင်းမစားဘူးမဟုတ်လား”

“အိမ်ကချက်တဲ့ဟင်းတွေမကြိုက်လို့ အဘတို့ ဦးအုန်းတို့ ချက်တာပိုကောင်းလို့” 

၂ယောက်လုံးအဖြေက ညီတယ်။ ဒါမျိုးကျ။ အမှန်က ထမင်းကို ဟုတ်တိပတ်တိ မစားကြတဲ့ လူတွေပါ။ အိမ်ကချက်တာလဲ ကောင်းကြပါတယ်။ လူငယ်ဆိုတော့ အဖော်မင်တဲ့သဘောပေါ့လေ။

“ရော့....ဒီဆေးကိုသောက် မင်းတို့တွေ ကိုယ်တွင်းမှာအပူများနေလို့ဖြစ်မယ်။ ကောင်မလေး...သမီးဝချင်တယ်မဟုတ်လား”

“ဟုတ်”

“ဒါဆိုရင်များများသောက်မှန်မှန်သောက်..ညည်းအပူကင်းပြီးဝလာလိမ့်မယ်”

ဆေးဗူးးလေးကိုလှမ်းယူရင်း နာမည်ဖတ်ကြည့်လိုက်တယ်။ သိကြားရေစင်တဲ့။

ဝချင်တဲ့ကောင်မလေး။ဘာရမလဲ။ရုံးမှာ နေ့လည်စာထမင်း စားပြီးတာနဲ့ ဆေးဗူးဆီ ပြေးမော့တော့တာပဲ။ ကောင်မလေးလဲ အပူကင်းပြီးနည်းနည်းတော့ဝလာတယ်။

အရင်လိုပိန်ကပ်ကပ်မဟုတ်တော့ဘူး။ ၀ ချင်တဲ့ကောင်မလေး ၀မ်းသာအားရနဲ့ ဆေးနာမည်ကို ပြောင်းခေါ်လိုက်တယ်။အဘရေစင် လို့။ 

နောက်ပိုင်းတော့အဘက ဆေးဗူးတွေအများကြီးရုံးမှာသောက်သူချင်သောက် ၀ယ်ထားပေးတတ်သလို ကောင်မလေးဝေးတစ်မြေရောက်သွားတော့လဲ သူ့တူမကောင်မလေးကို လူကြုံနဲ့ဆေးဗူးထည့်ပေးလိုက်တာမှ အများကြီး။

အဲဒိကောင်မလေးဟာ ၀တုတ်တုတ်လေးဖြစ်ချင်ခဲ့တယ်။

လက်ဖက်သုပ်ကို သဘောင်္ရွက်စိမ်းလေး ရိတ်ရိတ်လှီးထည့်စားရမှ သဘောပိုကျတတ်တဲ့ ကောင်မလေးတို့အုပ်စုကြောင့်ရန်ကုန်အဲယားဝေးက 

အန်ကယ်တစ်ယောက် စိုက်ပျိုးထားတဲ့ သဘောင်္ပင်ငယ်လေးတွေဆို ကတုံးနီးပါးဖြစ်လို့ ။

 ဒီနေ့ ဒီအပင်ကခူး၇င်။နောက်တစ်နေ့ကျတော့နောက်အပင်အလှည့်။ စိုက်တဲ့ အန်ကယ်ကတော့ပြောပါတယ်။

 “ဒီကောင်မလေးရောက်လာမှ ကျနော့အပင်အသီးတောင်သီးပါဦးမလားဗျာ သက်အောင်ကလဲ အရွက်တွေလာလာခူးတယ်” တဲ့။

 သူ့တူနဲ့တူမကိုပြောရင်ခံလေ့မရှိတဲ့ ဦးအုန်းနဲ့အဘက ပြန်နောက်တယ်။ 

“ဒီကလေး၂ယောက်ကိုခင်ဗျားကျေးဇူးတင်ရမှာ။ အပင်ဆိုတာ အရွက်နုထွက်မှပိုသန်မှာ။ ပိုသန်မှ ခင်ဗျားအပင်မြန်မြန်ကြီးပြီး မြန်မြန်သီးမှာပေါ့။ သက်အောင်ကလဲလိမ္မာပါတယ်။ အပင်ထီးတွေပဲရွေးခူးတာပါဗျ“ တဲ့။

နေ့လည်ခင်းတိုင်း ကောင်မလေးက လက်ဖက်တစ်ရက် ၈ျင်းတစ်ရက်သုပ်လေ့ရှိတယ်။ လကုန်ရင်ကောင်မလေးတို့အုပ်စုတွေ လက်ဖက်ဖိုး ဂျင်းဖိုးစု။တစ်လစာအများကြီးဝယ်ပြီးတော့သုပ်စားကြတာ။ 

အစားအသောက်နဲ့ပတ်သက်လာ၇င်တော့ကောင်မလေးက ဂိုဏ်းချုပ်ကြီးပေါ့။ သူပဲဦးဆောင်လုပ်တာ။ တစ်ရက်တော့ လက်ဖက်ဂျင်းဗူးဟာ ပို့ကုန်အဖြစ်သရုပ်ဆောင်လိုက်ရတဲ့ ဟာသလေးတစ်ရပ်ဖြစ်သွားခဲ့ဖူးတယ်။

“ဟိုမှာ ဂတ်စပါကြီးလာနေပြီဟ။ ဒီဖက်ကို တန်းလာနေတာ

ခါတိုင်းဆိုလေယာဉ်ထားတဲ့ဟန်ဂါထဲကလာတာပါ။”

အဘအပြောကြောင့် လေယာဉ်အင်ဂျင်။လျှပ်စစ်ပစ္စည်း အ၀င်အထွက်တွေကို bin card ကြည့်ပြီးစာရင်းသွင်းနေရင်းကကောင်မလေး ပူထူသွားမိတယ်။

“ဟယ်.... ဒုက္ခပါပဲ။ သူသာအနောက်ဖက်ထဲဝင်ကြည့်ရင် အနော့်တို့ရဲ့ လက်ဖက်ဗူးကြီးကိုမြင်တော့မှာပေါ့။ ဗူးတွေက အကြီးကြီးနဲ့အများကြီး ဘယ်နေရာဖွက်ရပါ့“

ကောင်မလေးအပြောကြောင့်အကုန်ပျာယာခတ်သွားတယ်။ အမြဲဥာဏ်ကြီးတဲ့အဘက ခဏစဉ်းစားပြီး ။

 “နက်ဖြန် စင်္ကာပူက ATR ကို ပြင်ဖို့ပို့မယ့် လေယာဉ်အင်ဂျင်ဗုံးကြီးအားနေတယ်။ ဆီတွေအရမ်းယိုလို့ ငါအပြင်ခဏထုတ်ထားတယ်။ အဲဒိထဲခဏထည့်ထား”

အဘပြောတဲ့အတိုင်းပဲ အကုန်လုံးတစ်ယောက်တစ်လက်နဲ့ ၀ိုင်းထည့်လိုက်ကြတယ်။ ပစ္စည်းတွေထည့်တဲ့ဗူးတွေကလဲအများသား။ ဆိုင်မှာလို အကျအနသုပ်စားတာဆိုတော့ ပဲမှုန့်ဘူးကအစ ငရုပ်သီးစိမ်း ကြက်သွန်ဖြူအစုံရှိတာ။ ထည့်ပြီးတော့ အပြင်ပြန်ထွက်အလာ..ဂတ်စပါကြီးလဲ အခန်းထဲကိုအေ၇ာက်။ ကုမ္ပဏီ ဒါရိုက်တာတို့ရဲ့ ထုံးစံအတိုင်းပေါ့. လိုအပ်သည်များကိုကြည့်ရှုစစ်ဆေးပေါ့။ ဟိုကြည့်ဒီကြည့် ပစ္စည်းတွေအထားအသိုကြည့်။အဲယားကွန်းအပူချိန်ကိုစစ်။ ပြန်တော့မယ်ပြင်ပေါ့။ ကိုယ်လဲ..သြော် တော်သေးသပေါ့။ ငါ့လက်ဖက်ဗူးတော့လွတ်ပြီလို့တွေးရုံရှိသေး။ ဂတ်စပါကြီးက ဓာတ်ကျပြီး လက်ဖက်ဗူးကြီးနား စွေ့ကနဲရောက်သွားတယ်။ “What is this?” မျက်နှာလေးဇီးရွက်လောက်ပဲရှိတော့တဲ့ အခိုက် ...အင်္ဂလိပ်စကားအရမ်းကျွမ်းတဲ့ ဦးအုန်းအပြေးရောက်လာပြီး အင်ဂျင်ဆီယိုလို့။ အာမခံသက်တမ်းမကုန်သေးလို့ စင်္ကာပူကိုပြင်ဖို့ပြန်ပို့မယ့်အကြောင်း။ဘာညာဘာညာ ပြောလိုက်တာ ဂတ်စပါကြီးယုံသွားတယ်ဆရာ။

ဇီးရွက်မျက်နှာလေးနဲ့ကောင်မလေးကတော့ ကိုယ့်ကြောင့်လူကြီးတွေဖာရထေးရတာအားနာလိုက်တာ။

အဲဒိကောင်မလေးဟာ လက်ဖက်သုပ် ဂျင်းသုပ်သိပ်ကြိုက်တယ်။

နေ့ခင်းအားလပ်ချိန်တွေအောက်ဖက်ရုံးမှာနေရတာ ပျင်းလာရင် အပေါ်ရုံးကစီနီယာမမတို့ ရှိတဲ့ အရပ်သွားပြီးလေဖုတ်လိုက် မုန့်တုတ်လိုက်လုပ်တတ်သေးတာ။ သီချင်းကောင်းလေးတွေရွေးဖွင့်ပြတတ်သလို ဟင်းချက်ကောင်းတဲ့မမနု။

 အချဉ်ထုပ်လေးတွေ ခဏခဏကျွေးတတ်သလို ဟင်းကောင်းတွေအမြဲထည့်လာလေ့ရှိတဲ့ မမသဉ္စာ။

 စကားပြောရင်အေးအေးလေးပြောပြီး ကောင်မလေးကို ညီမအရင်းလိုသဘောထားပြီး စာကျက်မပျင်းဖို့ ဆုံးမလေ့ရှိတဲ့....မမထား။တို့ဟာ ကောင်မလေးရဲ့ အမရင်းတွေသဖွယ် ဖြစ်ခဲ့ရတဲ့ မိသားစုမိတ်ဆွေတွေဖြစ်သလိုPilot ဒါရိုက်တာရင်ရဲ့ညီ ...သူဌေးပေါက်စကိုမင်းမင်း။ 

သက်ရွယ်တူချင်းမို့နင်ငါပြောပါဆိုတာကို ပြောမရဘဲ အမလို့သာဇွတ်ခေါ်လေ့ရှိတဲ့ ကိုညီညီ။ 

ကို၇ီးယားမင်းသားဆင်ဆင် ကလေးတို့အဖေကိုရဲဝင်းကျော်။

သူ့ကောင်မလေးကို သိပ်ချစ်တဲ့ကိုသန်းဝင်း။ အဘတူမောင်ဇော်ထက် တို့ဟာလဲ ခင်မင်ဖို့ကောင်းတဲ့လုပ်ဖော်ကိုင်ဖက်တွေပါ။

အမြဲပြုံးနေတတ်ကြတဲ့ ...အင်ဂျင်နီယာအန်ကယ်လ်ကျော်။ အန်ကယ်လ်သက်။အန်ကယ်လ်ရွှေ။ အန်ကယ်လ်ဇေ။ အန်ကယ်လ်ကြီး။ ဦးအုန်း။ ဦးစိုးနိုင်။အဘ ဦးသိန်းဟန် တို့ကတော့ကောင်မလေးရဲ့တကယ့်ဦးလေးဆွေမျိုးသားချင်းတွေလိုပါပဲ။

ဖအေကို သိပ်ချစ်တဲ့ ကောင်မလေးအဖို့ သူ့ဖေဖေနဲ့ ဖယ်ရီ အတူတူစီးဖော် ဦးစိုးနိုင် ၊ ကိုအောင်သက်ထွေး၊  ကိုရဲမြင့်တို့ကို လည်း ခင်နေပြန်ရော။ 

ဒီကြားထဲ ၂ပတ်တစ်ခါဆိုသလိုရုံးချုပ်ကနေ လေယာဉ်ရုံးကိုရောက်လာတတ်ပြီး ။ သူလာရင်တော့ သီချင်းတွေမျိုးစုံဖွင့်တတ်တဲ့ တရုံးလုံးအတွက် မုန့်တွေအများကြီးရက်ေ၇ာစွာဝယ်လာလေ့ရှိတဲ့..ကွန်ပျူတာအပြင်တော်တဲ့ ကိုဇေယျ ဟာလဲ ခင်ဖို့ကောင်းတဲ့ အကိုကြီး တစ်ဦးပေါ့။

ကောင်မလေးဟာအဲလိုလဲ လူတွေကိုခင်တတ်သေးတယ်။

ရုံးရှိတဲ့ခြံဝင်းကြီးထဲကရေစင်အောက်မှာ အစပ်အရမ်းစားတဲ့ကောင်မလေး..ငရုတ်သီးအစေ့တွေကိုအပင်ပေါက်မလားလို့

ဝေးတမြေမသွားခင်ပျိုးကြည့်ခဲ့သေးတယ်။

အကြံပြုသူကအဘဖြစ်ပြီး အဘတူ မောင်ဇော်ထက်ကတော့ အပင်စိုက်ဖို့လိုတာကူပေးတယ်။ ရောင်းရင်းကြီးကိုသက်အောင်ကတော့ မကူခဲ့ပေမယ့် အပင်ပေါက်မပေါက်စိတ်ဝင်စားတယ်။ ပေါက်မှာပါတဲ့ အားပေးတယ်။

တကယ်တော့ ကောင်မလေးဟာ ......

-ဝေးတမြေကို မသွားခင်မှာ မိသားစုဆန်ဆန်ခင်မင်ဖို့ကောင်းလွန်းတဲ့ လူတစ်စုနဲ့ ကလေးပီပီဘ၀ကြီးတစ်ခုကိုပျော်ပျော်ကြီးရခဲ့ဖူးသူ။

-ရုံးခန်းရှိရာ နှစ်ထပ်တိုက်လေးကိုရောက်ဖို့ အေးမြမှုနဲ့အမြဲစိမ်းလန်းနေတဲ့ သစ်ပင်အောက် ကဖြတ်လျှောက်လေ့ရှိပြီး လေယာဉ်အတက်အဆင်းတွေကို ငေးမောခဲ့ဖူးသူ။

-အိမ်ကလာကြိုလို့များနောက်ကျရင်စိတ်ကောက်တတ်လွန်းလို့ အချိန်းအချက်လုပ်ဖို့ လက်ကိုင်ဖုန်းကိုပေးထားပြန်တော့ ကားဘီးပေါက်လို့ (သို့) အကြောင်းတခုခုရှိလို့ နောက်ကျရက်ဆို ဖုန်းတဂွမ်ဂွမ်ဆက်ပြီး စောင့်ရတာကြာလို့ဆိုကာ ဂျစ်တိုက်ခဲ့ဖူးသူ။

-မိန်းကလေးဆိုပြီးသိမ်သိမ်မွေ့မွေ့နူးနူးညံ့ညံ့မရှိခဲ့ဖူးဘဲ..ဟောဟောဒိုင်းဒိုင်းပွင့်ပွင့်လင်းလင်းဒဲ့ဒိုး ပြောတတ်သောအားနည်းချက်ရှိသူ။

ဒီကောင်မလေးဟာ............ဘယ်သူလဲတော့မသိပါ။

ဒါပေမယ့် သူဟာ...ခင်မင်ခဲ့ဖူးတွေကို ဘယ်တော့မှလွယ်လွယ်နဲ့မေ့မသွားတတ်ခဲ့တဲ့ ကောင်မလေးတစ်ယောက်ပါပဲ။

ကြည်ဖြူပိုင်

Read More