ပုံ ၁ / စပျစ်သီးခြောက်။ သီဟိုစေ့
ပုံ ၂ / သစ်ဂျပိုးခေါက်။ ကရဝေးရွက် 
ပုံ ၃ / စမုံစပါး။ ဖာလာ(ကွမ်းယာထဲတွင်ထည့်စားသောဖာလာ)။ နာနတ်ပွင့်။ လေးညှင်းပွင့်။
ပုံ ၄/ အရောင်မှုန့်
ပုံ ၅ / ထောပတ်ဒန်ပေါက်သိပ်ကြိုက်တဲ့အတွက်မေမေက ဒန်ပေါက်ချက်နည်းသင်ပေးခဲ့ပါတယ်။
စင်္ကာပူရောက်တဲ့ ၃နှစ်ကျော်ကာလအတွင်းမှာ မေ့ကျေးဇူးနဲ့ ဒီနေ့နဲ့ဆိုဒန်ပေါက်ချက်စားဖြစ်တာ ၅ခေါက်။
ကြိုက်တဲ့သူတွေနဲ့တပျော်တပါးစားခွင့်ရတဲ့အတွက်မေ့ကိုကျေးဇူးအထူးတင်မိပါတယ်။
သူငယ်ချင်းကလဲဒန်ပေါက်ချက်နည်းသိချင်တယ်ဆိုတာကြောင့် ဒီဘလော့ဂ်လေးကနေပဲမျှဝေလိုက်ပါတယ်။
ဒန်ပေါက်ချက်ရာတွင်လိုအပ်သောပစ္စည်းများ။
၁။ ဒန်ပေါက်ဆန်(ဆန်ကောင်းလျှင် ၄င်းဆန်ဖြင့်ပင်ချက်နှိုင်ပါသည်။)
၂။ ဆီ
၃။ ဆား။ သကြား။အချိုမှုန့်
၎။ ထောပတ်
၅။ ကြက်သွန်နီအလတ် ၅လုံး
၆။ အရောင်မှုန့်
၇။ စမုံစပါး။ ဖာလာ(ကွမ်းယာထဲတွင်ထည့်စားသောဖာလာ)။ နာနတ်ပွင့်။ လေးညှင်းပွင့်။
၈။ သစ်ဂျပိုးခေါက်။ ကရဝေးရွက် (စာလုံးပေါင်းပြင်ပေးသော anonymous ကိုကျေးဇူးတင်ပါတယ်ရှင်)
၉။ ကြက်သား။ဂျင်း ၁တက် ။ကြက်သွန်ဖြူ ၄မွှာ (ကြက်သားချက်ရန်)
၁၀။မဆလာ
၁၁။စပျစ်သီးခြောက်။ သီဟိုစေ့
တို့ပဲဖြစ်ပါတယ်။
ဒန်ပေါက်ချက်နည်း။
ဒန်ပေါက်ချက်ရန်နှင့် ကြက်သားထဲတွင်အနည်းငယ်ထည့်ချက်ရန် စမှုံစပါး။ လေးညင်းပွင့်။ နာနတ်ပွင့်။ ဖာလာ တို့ကို ကြိတ်စက် (မရှိလျှင် ငရုတ်ဆုံ)ထဲမှာ ထည့်ကြိတ်ထားပါတယ်။ ( ပုံ ၃ )
ဒန်ပေါက်ချက်ရတာသိပ်လွယ်တာကြောင့် နည်းနည်းအလုပ်ရှုပ်တဲ့ကြက်သားကိုပဲအရင်ချက်ဖြစ်ပါတယ်ရှင်။
ကြက်သားကိုကြိုက်သလောက်အရွယ်တုံးပြီး ဆနွင်း။ မဆလာ။ဆား။အချိုမှုန့်တို့နဲ့နှပ်ထားချိန်မှာ။ ကြက်သွန်ဖြူ +ဂျင်း+ကြက်သွန်နီအလတ်၂လုံးတို့ကို ကြိတ်စက်ထဲမှာထည့်ကြိ်တ်လိုက်ပါတယ်။
ပြီးလျှင် ဆီသတ်။ ဆနွင်းထည့် ။ ကြက်သွန်ဖြူ+ဂျင်း+ကြက်သွန်နီ ကြိတ်ပြီးသားအနှစ်နှင့်အရောင်တင်ထည့်။ (ပုံ ၃) ပါအမှုန့်အနည်းငယ်ထည့်။ ငရုတ်သီးအရောင်တင်မှုန့်ထည့်။ကြက်သားနှင့် ရေအနည်းငယ်ထည့်ပြီး အခါတိုင်းကဲ့သို့ပင် ကြက်သားကိုချက်ပါတယ်။
ကြက်သားအိုးတည်ထားချိန်မှာ ကြက်သွန်နီအလတ် ၅လုံးလောက်(ထမင်းအနည်းငယ်သာချက်မည်ဆိုပါက .၂လုံးလောက်နှင့်လုံလောက်ပါသည်) ကို မထူမပါးလှီးပြီးရေဆေးထားပါတယ်။ အဲဒါကတော့ဒန်ပေါက်မှာထဲ့ဖို့ပါ။
ကဲ.....ကြက်သားကျက်ပြီဆိုရင်တော့ ဒန်ပေါက်စချက်ကြရအောင်နော်။
၁။ ဆီ အချိုရည်ပန်းကန်လုံး ၁၀က်စာလောက်ကိုဒယ်အိုးထဲထည့်တည်ပါ။ ဆီဆူလာလျှင် ကရဝေးရွက် + သစ်ဂျပိုးခေါက်ကို ဆီသတ်ပါ။ တလက်စထဲ စမှုံစပါး+လေးညှင်း+နာနတ်ပွင့်+ဖာလာ ကြိတ်ပြီးသားအမှုန့် ကိုပါဆီသတ်ပါ။
ပြီးလျှင်ကြက်သွန်နီကိုပါနွမ်းသွားအောင်ဆီသတ်လိုက်ပါနော်။ ကြက်သွန်နီလေးနွမ်းလာရင်တော့ မီးလေးအသာပိတ်ပြီး အအေးခံထားလိုက်ပါ။
၂။ဒန်ပေါက်ဆန်ကို ခါတိုင်းထမင်းစားနေကျဆန်အတိုင်းအတာအတိုင်းဆေးလိုက်ပါ။ (ကိုယ်ကတော့ ထမင်းချက်စားနေကျ New Moonတံဆိပ်ဆန် ဒါမှမဟုတ် Golden Phoenix တံဆိပ်ဆန် တို့ပဲသုံးလိုက်ပါတယ်။ အဲဒါလဲစားလို့ကောင်းပါတယ်။ ဒန်ပေါက်ဆန်ဆိုရင်တော့အတိုင်းထက်အလွန်ပါပဲရှင်) ပြီးရင်တော့ ဆန်ကို ဇကာလေးထဲမှာပဲဖြစ်ဖြစ် ဒါမှမဟုတ် ဇလုံ တစ်လုံးထဲမှာပဲဖြစ်ဖြစ်ရေစစ်ထားလိုက်ပါနော်။
၃။ ရေစစ်ထားတဲ့ဆန်ဆေးပြီးသားထဲကို သကြား+ဆား+အချိုမှုန့်လေးနဲ့ကိုယ်ကြိုက်သလောက်အရသာ အတိုင်းရအောင်နယ်လိုက်ပါနော်။ တလက်စထဲ သီဟိုစေ့နဲ့စပျစ်ခြောက်လေးပါရောနယ်စေချင်ပါတယ်။
၎။ပြီးရင်တော့ ထည့်ချက်မယ့်ထမင်းပေါင်းအိုးထဲကို ခုနနယ်ထားတဲ့ဆန်အနည်းငယ်ထည့်ပါ။ အဲ့ဒီဆန်အပေါ်မှာ ခုနဆီသတ်ထားတဲ့ ကြက်သွန်နီနဲ့ဆီကိုယူပြီး ဆန်အနည်းငယ်နဲ့ရောမွှေထားတဲ့အရောအနှောကိုထည့်ပါနော်။ (အဲလို တထပ်ပြီးတထပ် အရောအနှောလေးတွေတင်နိုင်ဖို့အတွက် ကိုယ်ကတော့ဇလုံတစ်လုံးယူပြီး အဲဒိဇလုံထဲကို ရေစစ်ပြီးအရသာစပ်ထားတဲ့ဆန်လေးတွေကိုယူပြီး ကြက်သွန်နီဆီသတ်ကိုနယ်ပါတယ်) အဲဒိတော့ ဒုတိယအထပ်ရပြီပေါ့နော်။
၅။တတိယအထပ်ရဖို့အတွက် အရောင်မှုန့်နဲ့ဆန်အနည်းငယ်ကိုနယ်ပြီး နောက်တလွှာထမင်းအိုးထဲမှာခင်းလိုက်ရမှာပါ။
၆။ စတုတ္ထအလွှာမှာတော့ ဆန်နဲ့ မဆလာကိုနယ်ထဲ့ပါ။ အားလုံးပြီးပြီဆိုရင်တော့ ထောပတ်ရွှဲရွှဲကို ထမင်းပေါ်အနှံ့ဖြူးပေးလိုက်ပါ။နောက်ဆုံးသတ်အနေနဲ့ ခါတိုင်းထမင်းချက်ရင် ရေထည့်တဲ့အတိုင်းအတာလေးအတိုင်းရေကိုထဲ့ပီး တည်လိုက်ပြီဆိုရင်တော့ ၄၅မိနစ်အကြာမှာ ဆိုင်မှာ ၀ယ်စားရတဲ့ ကြက်လျှာစွန်းတို့ ။ ကောင်းကြိုက်တို့။ ရွှေညောင်ပင်တို့ရဲ့ အရသာအတိုင်းထပ်တူညီမယ့် ဒန်ပေါက်စစ်စစ်ကို သုံးဆောင်လို့ရပါပြီရှင်။
မှတ်ချက်။ ။ ကိုယ်ကတော့လူကြီးတွေရဲ့စကားနားထောင်ပြီးဆီသိပ်မထည့်ပါဘူးရှင်။ တကယ်လို့ ဆိုင်အတိုင်းဆီရွှဲရွှဲစားချင်တယ်ဆိုရင်တော့ ကြက်သွန်နီကိုဆီသတ်တဲ့အခါဆီများများသုံးပါနော်။ ပြီးတော့ထောပတ်ကိုလဲပိုရွှဲအောင်ဆမ်းပေးလိုက်ပါ။ ကြက်သားဆီပြန်က ဆီလေးတွေကို ဆိုင်ပါအတိုင်းရွှဲရွှဲလေးဆမ်းပေးလဲ ရပါတယ်ရှင်။
သရက်သီးသနပ် နဲ့ ငပိကြော်လေး တွဲဖက်စားပြီး အမတော်တစ်ယောက် မနက်ဖြန်ရုံးမှာ အလေးပြုနေမယ့်ပုံကိုမြင်ယောင်ရင်း ဒီပို့်စ်လေးကို အဆုံးသတ်လိုက်ပါတယ်ရှင်။
စာကြွင်း။ ။ လိုအပ်သော စမှုံစပါး။လေးညှင်း။နာနတ်ပွင့်။အရောင်မှုန့်။မဆလာ တို့ကို NTUC တွင်ဝယ်ယူလို့ရပါတယ်။ ကိုယ်ကတော့ ရန်ကုန်ကပြန်လာတာ မကြာသေးတာမို့ ပရဆေးဆိုင်ကပဲ “ဒန်ပေါက်ချက်ဖို့လိုတဲ့ပစ္စည်းတွေ”လို့ပြောဝယ်ခဲ့ပါတယ်။ မေ့အပြောအရ ပရဆေးဆိုင်တိုင်းမှာ ၀ယ်လို့ရပါတယ်တဲ့။ ခုတော့ ရယ်ဒီမိတ်ဒန်ပေါက်ထုပ်တွေလည်း ပေါ်လာပြီဆိုတော့ အားလုံးအဆင်ပြေသွားမှာပါနော်။ (ဒါပေမယ့်...ရယ်ဒီမ်ိတ်ကိုတခါမှတော့ချက်စားဖူးသေးဘူး...:D)
13 comments:
ကရဝေးရွက် လို့ စာလုံးပေါင်းပါတယ်
း)
အဝေးကနေပဲ သွားရေ (သရေ)ကျသွားတယ် မမကြည်ဖြူပိုင်ရေ ...း) စားချင်လိုက်တာနော် ဖြစ်နိုင်ရင် ပါဆယ် ပို့လိုက်ပါးD
နှင်း ....
@Anonymous ကျေးဇူး။စာလုံးပေါင်းပြင်လိုက်ပြီ။း)
ဒန်ပေါက်တော့ ကြိုက်ဝူး..အိုးပေါက်ပဲ ကြိုက်တယ်:P
ကြည်ဖြူရေ
အချက်အပြုတ်လဲရတာကိုး၊
တော်လိုက်တာ၊
စာအသစ်မရေးတာ .. ဒန်ပေါက်ချက်နေလို့ကိုး
အနော်လေး ပျော်ရွှင်ချမ်းမြေ့ပါစေ
ချစ်တဲ့
အစ်မ
ဘိုလိုလုပ်လဲတော့ မှတ်မထားတော့ဘူး ချက်မစားဖြစ်လို့ လုပ်ကျွေးမယ်ဆိုရတော့ စားချင်လယ် ဟဲဟဲ
သွားရည်ကျသွားသည် ဂလု ရှလွတ် ပလပ် ဟိဟိ
လာလည်မယ်နော် သယ်ရင်းလေး :P
ဒန်ပေါက်မဆလာ စပ်တဲ့ Ratio သိရင်ပြောပြပါလားခင်ဗျာ။ NTUC က မဆလာက မြန်မာပြည်က အနံနဲ့မတူဘူး။
တခါကဆိုတာကို ပြန်တွေးမိသွားတယ်
ပြန်မှမရနိုင်တော့တာပဲ
သြော် အတိတ်က ကျန်ခဲ့ပြီပဲလေ
အစ်ကို
ကျေးဇူးပြုပြီး Link ချိတ်ခွင့်ပြုပါခင်ဗျာ။
@နှင်းဟေမာ > နောက်တခါချက်လိုက်လို့ခေါ်ရင်မငြင်းရဘူးနော်လာစားရမယ်။း)
@မဖြိုး>ကျေးဇူးပါမမရေ
@၀က်ဝံလေး>> စလုံးကိုလာခဲ့မမချက်ကျွေးမယ်။ ကြိုက်တာပြောညီမလေး
@မယ်ကိုး >>တကယ်လာလည်မှာလားဟင်သူငယ်ချင်း။
လာလည်မယ်ဆိုကြိုပြောနော်။
တခုခုကျွေးလိုက်ရမှ ကျေနပ်မှာ:D
@မောင်မောင်ဇော်ထက် >>မဆလာစပ်နည်းမေးပေးဖို့အကြွေးကျန်နေတယ်။
လာမယ်ကြာမယ်။ဆိုရင်ခွင့်ပြုပါနော်။း)
@အစ်ကို>> တစ်ခါကဆိုတာကိုပြန်တွေးမိသွားတာကိုက
အရင်ကလိုခင်မင်စိတ်ရှိနေတယ်ဆိုတာကိုိဖော်ပြတဲ့အတွက်ဝမ်းသာစရာပါ။ အတိတ်ကကျန်ခဲ့ပေမယ့်..ပြန်ရနိုင်တဲ့အနာဂတ်ပါ.
ဘာဖြစ်လို့လဲဆိုတော့ အချိ်န်တွေ အခြေအနေအကြောင်းကြောင်းတွေကြောင့်သာ အတိတ်လိုအဖြစ်မျိုးခုအချိန်မှာ မဖြစ်ပေမယ့် ..တချိန်ချိန် အနော်တို့တွေမှာ အချိန်နဲ့အခြေအနေပေးလာရင်အရင်လို အတိတ်လှလှလေးကို တို့မာင်နှမ ပြန်ရမှာပါကွ။း)
ချိုမာကို တို့သိနေတယ် :)
တရက်တော့ ဆုံမှာပါလေ...ဟဲဟဲ
ဒန်ပေါက်ချက်နည်းကို အလွတ်လာကျက်နေတာ၊
နောက်တစ်ပတ်လောက်မှာ ချက်မလို့၊
Post a Comment