အိုမင်းသော ဇရာ နှင့် ပျိုရွယ်သော သစ္စာ

“အဟွတ်..အဟွတ်” ဟူသောဒေါ်မြလေး၏ ချောင်းဆိုးသံကြောင့် အအိပ်ဆတ်တဲ့ ဦးအောင်သန်းတစ်ယောက် လန့်နိုးလာခဲ့သည်။ အိပ်ရေးဆတ်ရုံမျှမက အသက်ကလည်းကြီးလာခဲ့ပြီမို့ လန့်နိုးပြီးလျှင် တော်တော်နှင့် ပြန်အိပ်မပျော်တတ်တော့ချေ။

ပြန်အိပ်မပျော်တဲ့အတူတူ မထူးပါဘူးလေ။ မမြလေး အခြေအနေကိုစောင့်ကြည့်ဦးမှ။ သူချောင်းဆက်ဆိုးလေဦးမလား။ ယောင်ပြီးချောင်းဆိုးတာလား။ ရင်ကြပ်တာဆိုရင်တော့မနက်ကျရင် ဆရာဝန်ပြဦးမှ ဟုစဉ်းစားကာ ဒေါ်မြလေးဖက်သို့ လှည့်ကြည့်မိသည်။

“သြော်..........မမြလေးတောင်တော်တော်ရုပ်ကျအိုစာနေပြီပဲ” ဟုတော့တစ်ချက်တွေးလိုက်မိသည်။ နောက်တော့ မိမိကိုယ်ကိုယ်ပြန်ဆန်းစစ်ကြည့်တော့ ခနိုးခနဲ့တောင်ပြုံးလိုက်ချင်သေးတော့။ “ငါကရော အဖိုးကြီးဖြစ်နေပြီပဲ။ မမြလေးလဲ လိုက်အိုပေတော့မှာပေါ့။ ငါ့နှယ်...ငါ့ဇရာတော့ငါမမြင် သူများဇရာကိုသာ အရာထင်အောင် တွေးမိပြန်ပြီ ”ဟု အပြစ်ဖွဲ့မိသည်။ အိပ်ခန်းထဲသို့ ထိုးဖောက် ၀င်ရောက်လာသည့် အလင်းလဲ့လဲ့အောက်တွင် မမြလေးကတော့ ပြန်လည်အိပ်ပျော်သွားလေပြီ။ သူ့မှာသာအတွေးတွေနဲ့။ ငယ်ကအကြောင်း အဓိကပေါ့။.............

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

အသက် ၃၃နှစ်အရွယ် ကျက်သရေရှိလှသောတင့်တယ်လှပခြင်းနှင့်အတူ အိမ်ထောင်မှုထိန်းသိမ်းရာတွင် ကျွမ်းကျင်မှုတို့ဖြင့်ပြည့်စုံသော မမြလေးကို ဇနီးမယားအဖြစ်တော်စပ်ရသည်မှာ ကံကောင်းလှသည်ဟု သူငယ်ချင်းတွေကတော့အလျဉ်းသင့်တိုင်းပြောလေ့ရှိသည်။

ဟုတ်တော့လည်းဟုတ်ပေလိမ့်မည်။ ၀န်ထမ်းလစာတစ်ခုထဲမှလွဲလို့ အပိုဝင်ငွေရအောင် ဖန်လေ့မရှိသောကြောင့် သူ့ဝင်ငွေတစ်ခုထဲနှင့်သာ ရပ်တည်ခဲ့ရမည်ဆိုလျှင် သားနှင့်သမီးလည်း ဘွဲ့ရပညာတတ်များဖြစ်လာတော့မည်မဟုတ်။ အိမ်မှာနေရင်း မီးဖိုချောင်စားရိတ်လေးလည်း ကာမိတာပေါ့ အကိုအောင်ရယ် ဟူသောအကြောင်းပြချက်ဖြင့် သစ်ခွပင် နှင့် အလှပန်းပင်များစိုက်ကာ မျိုးခွဲရောင်းခြင်းဖြင့်တစ်မျိုး။ မင်္ဂလာဆောင်အလှူများအတွက် အလှပန်းရောင်းခြင်းများဖြင့်တစ်ဖုံ..တစ်ဖက်ကလည်း မီးဖိုချောင်ဝင်ပြီးအားနေချိန်လေး ကိုယ်လက်လှုပ်ရှားမှုလည်းရတယ် ဟုဆိုကာ အပ်ချုပ်စက်တစ်လုံးဖြင့် ရောင်းထည်၊ အကြမ်းထည်ချုပ်ပြန်တော့ မမြလေးအတွက် အိမ်အလုပ်တွေပြီးချိန် ပျင်းရိငြီးငွေ့ဖွယ်ကောင်းလိုက်တာဟု တွေးတောနေစရာအချိန်မရှိတော့ပေ။ ဒါ့အပြင် မီးဖိုချောင် အသုံးစရိတ်။ရေဖိုး မီးဖိုးမှ အစ သာရေးနာရေးစရိတ်တို့ကို သူမ,ရှာသောဝင်ငွေနှင့်ပင် လည်ပတ်နေနိုင်ခဲ့တော့ သူ၏၀င်ငွေသည် သားသမီးတွေ၏ နောင်ရေးအတွက်...ဆိုတာဖြစ်လာခဲ့သည်။ သူတို့ မိသားစုနေထိုင်သော အိမ်လေးသည်လည်း သစ်ပင်ပန်းမာန်တို့ဖြင့် လှပမွှေးကြိုင်နေချင့်စဖွယ်ဖြစ်နေခဲ့သည်။ ဒီအချက်များကပင် ....အိမ်ထောင်မှုထိန်းသိမ်းရာတွင်ကျွမ်းကျင်လှသည် ဆိုသော သူငယ်ချင်းတို့၏ အဆိုပြုချက်မှန်သည်ဟု ယနေ့တိုင်ကျေနပ်အားရနေရသည်မှာ အမှန်ပင်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ပျိုမြစ်လှပပါသည် ဆိုသည့်အချက်ကိုတော့ဟိုတုန်းက သူတိတိပပကြီးကို ခေါင်းညိတ်ထောက်ခံဖူးသည်။ ဟုတ်သည်လေ။ ညနေရုံးဆင်းလို့ သစ်ပင်တွေရေလောင်းပြီးတိုင်း မမြလေး ရေချိုးရန် ရေကို သူကိုယ်တိုင် ရေတွင်းက ခပ်ယူပေးရမှ သူ့တာဝန် ကျေပွန်သည်ဟု ခံစားရသည်။ လုံချည်ရင်လျားနှင့် တဘက်လေးကိုယ်ပေါ်သိုင်းခြုံကာ သူရေငင်တာကို ပြုံးပြုံးလေး ကြည့်နေတတ်သည့် မမြလေး၏ မျက်ဝန်းလောက် ရွှန်းစားညှို့ငင်နိုင်သည့် မျက်လုံး လောကတွင် မရှိဟု မှတ်ထင်ခဲ့ဖူးသည်။ သူရေချိုးပြီးချိန်မှာ စိုနေသော ရေများကို ကူသုတ်ပေးရန် တဘက်လေးနှင့် အပြေးလေး လှမ်းလာတတ်သည့် မမြလေး၏ သနပ်ခါး မခြောက်တခြောက်ပါးပြင်လေးမှ သနပ်ခါးအစိုနံ့လေးသည်လည်းကောင်း။ တခါတရံ ဦးခေါင်းထက်တွင် ပန်ဆင်ထိုးစိုက်ထားတတ်သည့် စံပယ်ငုံဖူးလေးသည်လည်းကောင်း။ မမြလေး၏ ညိုစ်ိမ့်စိမ့်မျက်နှာနှင့် အလွန်ပင်ပနံရသည် ဟု မှတ်ချက်ချဖူးသည်။

တခါတရံ သူက ရေချိုးပြီးပေမယ့်.. ဟင်းအိုးတန်းလန်းနှင့်မို့ မီးဖိုချောင်ထဲဝင်ကာ ဟင်းအိုးကြည့်ရင်းအလုပ်ရှုပ်နေသောကြောင့် သနပ်ခါးမတင်ဖြစ်သည့် သူမပါးပြင်ကိုမြင်လျှင်တော့ သနပ်ခါးကျောက်ပျဉ်ဆီအပြေးအလွှားသွားကာ သနပ်ခါးကို အားပါးတရကိုသွေးတော့သည်။ ပြီးလျှင်တော့ ဟင်းအိုးကိုအသာချ သူမကိုအပါခေါ်ကာ ပါးပြင်ပေါ်ကိုယ်တိုင် သနပ်ခါးတင်ပေးရလျှင်တော့ မှိုရဘိသကဲ့သို့ ၀မ်းမြောက်ကြောင်းအမှန်ပင်ဝန်ခံပါမည်။

သည်အတွေးကိုပြန်တွေးမိချိန်မှာတော့ ကြည်နူးပြုံးလေးပြုံးကာ မမြလေးကိုလှမ်းကြည့်မိသည်။ သူမမျက်နှာမှာ အရေးအကြောင်းတွေ အတော်သိသာလာပြီပဲ။ ဟုတစ်ခါထပ်တွေးရင်း လက်တစ်ဖက်နှင့် ကိုယ့်မျက်နှာကိုယ် ပြန်စမ်းလိုက်သည်။ ငါလဲဘာထူးတုန်း....သူမလဲအဖွားကြီးဖြစ်ခဲ့ပြီ။ ငါလဲအဖိုးကြီးဖြစ်ခဲ့ပြီ။ အဖွားကြီးဖြစ်နေပြီဖြစ်တဲ့ သူမရဲ့လက်ကလေးတွေနဲ့ဖန်တီးပေးခဲ့တဲ့ ငါ့ရဲ့ နေ့စဉ်ထမင်း ၃နပ်ကို စားလာတာ။သူမရဲ့ အားပေးစကားတွေ၊တွယ်တာမြတ်နိုးမှုတွေနဲ့ အိမ်ထောင်ဦးစီးယောက်ျားသားတစ်ဦးအနေနဲ့ရပ်တည်ခဲ့တာ။ သူမရဲ့ ဆူပူစကားလေးတွေနဲ့ မကောင်းဘူးထင်ရတဲ့အကျင့်ဆိုးလေးတွေ ဖျောက်ဖျက်နိုင်ခဲ့တာ။ သူမရဲ့မျက်နှာက အရယ်အပြုံးလေးတွေနဲ့ ဘ၀ရဲ့အမောပြေစရာနေ့ရက်တွေကို ပိုင်ဆိုင်ခဲ့ရတာ။ သူမရဲ့စကားသံလွင်လွင်လေးတွေနဲ့ ဆည်းလည်းသံပမာ အသံချိုတွေကို နားဆင်ခဲ့ရတာ ............ဒီနေ့ဆို အနှစ် ၄၀တိတိ ပြည့်မြောက်ခဲ့ပြီပေါ့။
လို့ အဆုံးသတ်တွေးတောရင်း နာရီကို လက်နှိပ်ဓာတ်မီးအလင်းရောင် အကူအညီဖြင့်ကြည့်မိတော့ အရုဏ် ၄ နာရီ။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

မနက် ၄နာရီခွဲ ဘုန်းကြီးကျောင်းမှ အုန်းမောင်းခေါက်သံနှင့်အတူ ဆွမ်းချက်ရန်ရည်ရွယ်ချက်ဖြင့် သူမအိပ်ယာမှထ,ချိန်မှာတော့ ဘေးမှာအိပ်လေ့ရှိသော သူ့ကိုလဲမတွေ့မိတဲ့အပြင် မီးဖိုချောင်ထဲမှ ထမင်းနပ်သည့် ရနံ့သင်းလေးပေါ်လာမှုကြောင့် သမီးငယ် ငါ့မွေးနေ့ကိုသတိရလို့ အရုဏ်ဆွမ်းအမီ ဆွမ်းထချက်ထားသလား..ဒီကောင်မလေး ဒီအချိန်ကြီး အိပ်ယာထလေ့မရှိတတ်ပါဘူး။ သူ့အမေ မွေးနေ့ သူမေ့နေမှာ။ အတွေးနဲ့ မီးဖိုချောင်ဖက် ခြေအချမှာတော့ သူမ အရမ်းကို အံ့သြသွားခဲ့သည်။ အလို...အဖိုးကြီးပါလား ဟုတောင်ယောင်ယမ်းပြောလိုက်မိသည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

သူပေါ့...မီးဖိုချောင်ထဲမှာ ထမင်းကိုအကျအနနှပ်လို့။ သမီးငယ်က ငရုတ်သီးထောင်း..သားကြီးက ကြက်သွန်ခွာနေလိုက်တာ။ သူ့ဘေးမှာလဲ ချက်ပြုတ်ဖို့အသင့်ပြင်ထားတဲ့ အသီးအရွက်နဲ့ ကြက်သားအချို့။ တကယ်ပင် အံ့သြရပါသည်။ အနှစ် ၄၀အတွင်း ဒီလောက်ကြည့်လို့ကောင်းတဲ့မြင်ကွင်းမျိုးကို သူမ မမြင်ဖူးခဲ့ရ။ သူမသာ ထာဝစဉ် ချက်ပြုတ် ပြင်ဆင်ကျွေးမွေးခဲ့သည်။ခုတော့......................ကြည့်စမ်း.................သားအဖတွေစည်းလုံးနေလိုက်ကြတာ။ လို့ကြည်နူးမိတယ်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ငရုတ်သီးထောင်းရင်း..ဆံပင်တွေဝဲကျလာလို့ ပြန်သပ်တင်ဖို့အတွက် သမီးငယ်ခေါင်းကို အမော့မှာ သူမ၏ ပြုံးနေသောမျက်နှာကို မြင်သွားသည်။

“ဟင်.....................................မေမေနိုးလာပြီလား။ သမီးတို့က ခုမှချက်ပြုတ်တုန်း ရှိသေးတယ်။ မေမေ သနပ်ခါးသွားလိမ်းပြီးနားနားနေနေသာ နေနော်။” ဟုဆိုကာ ကျောက်ပျဉ်ဆီသို့အသာတွန်းပို့သည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

နောက်ထပ် ၁နာရ်ီအတွင်းမှာပဲ တိုက်ပုံနှင့်ပုဆိုးကို အကျအန၀တ်ထားသော သူ , သူမ၏အနားသို့ သွားရပ်လိုက်သည်။ သားကြီးကလဲ မင်္ဂလာနှစ်ပတ်လည်တိုင်း သိတတ်စအရွယ်ထဲမှ အစပြုကာ မှတ်တမ်းတင်ဓာတ်ပုံရိုက်ပေးနေကျမို့...

သားကြီးကင်မရာနှင့် ချိန်ပြီးအဆင်သင့်ဖြစ်ချိန်မှာ..ကင်မရာမီးရောင်က ဖျတ်ခနဲ...သူတို့ ၂ဦး၏ အပြုံးမျက်နှာများက လက်ခနဲ။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

တကယ်တော့....သူတို့ ၂ဦးစလုံး ဇရာတွေအိုနေပါပြီ။ ဒါပေမယ့် တစ်ဦးအပေါ် တစ်ဦးထားတဲ့မေတ္တာတရားကတော့ နုပျိုတုန်းပဲ ဟုတွေးရင်း အဖွားအိုရဲ့လက်ကလေးကို အသာဆွဲယူလိုက်သည်။

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ဓာတ်ပုံရိုက်ပြီးလို့ သားကြီးက Camera Screen ကိုလာပြ လို့လက်လှမ်းယူအကြည့်လိုက်မှာ.....သူ့လက်တွင် သူမ၏လက်မှ စွဲကျန်ရစ်သော နံ့သာဖြူရနံ့လေး မွှေးပျံ့နေကြောင်းသတိထားမိပြီး...သူနှင့်သူမတို့၏ သစ္စာခိုင်ကျည်မှုအတွက် သူ့ဘ၀တွင် မင်္ဂလာနှစ်ပတ်လည် ၄၀ နှစ်မြောက်အဖြစ် ကျေနပ်လိုက်မိပါတော့သည်။